بھارتی پولیس کا بڑا کریک ڈاؤن، 67 گانوں پر پابندی عائد کردی، وجہ کیا بنی؟
اشاعت کی تاریخ: 14th, January 2026 GMT
بھارتی ریاست ہریانہ میں پولیس نے گینگ کلچر اور تشدد کو فروغ دینے والے 67 گانوں پر پابندی عائد کر دی ہے، جس کا مقصد نوجوانوں کو مجرمانہ ماحول سے بچانا اور معاشرتی تحفظ کو یقینی بنانا بتایا گیا ہے۔
ڈی جی پی اجے سنگھل کے مطابق یہ کارروائی بڑی مہم کا حصہ ہے جس میں ڈیجیٹل پلیٹ فارمز پر ایسے مواد کی نگرانی اور سخت اقدامات شامل ہیں۔ ڈی جی پی نے کہا کہ پولیس کا مقصد صرف جرائم روکنا نہیں بلکہ نوجوانوں کو مجرمانہ ماحول میں شامل ہونے سے بچانا بھی ہے۔ انہوں نے بتایا کہ ایسے مواد میں اکثر مجرموں کو رول ماڈل کے طور پر پیش کیا جاتا ہے جبکہ ان کے خاندانوں اور متاثرین کے دکھوں کو نظر انداز کیا جاتا ہے۔
हरियाणा पुलिस की सख्त कार्रवाई ???? गैंगस्टर संस्कृति और हथियारों की हिंसक छवि को बढ़ावा देने वाले 67 गीत डिजिटल प्लेटफॉर्म्स से हटाए गए।
युवाओं को भ्रमित करने वाले ऐसे कंटेंट पर अब ज़ीरो टॉलरेंस। सोशल मीडिया पर अपराधियों की पोस्ट को लाइक/शेयर करने वालों पर भी कड़ी नज़र।
समाज… pic.
— Haryana Police (@police_haryana) January 13, 2026
پولیس نے گانوں کے نام ظاہر نہیں کیے لیکن بتایا کہ یہ فیصلہ اسپیشل ٹاسک فورس (ایس ٹی ایف) اور سائبر کرائم یونٹ کی تحقیقات کے بعد کیا گیا۔ ڈی جی پی نے خبردار کیا کہ مزید سخت اقدامات بھی کیے جائیں گے اور کوئی بھی پلیٹ فارم ایسے مواد کی میزبانی نہیں کرے گا جو مجرمانہ رویے کو فروغ دیتا ہو۔
پولیس کا کہنا تھا کہ نوجوانوں پر ڈیجیٹل مواد کا بڑھتا ہوا اثر نظر انداز نہیں کیا جا سکتا۔ پولیس نے فنکاروں اور مواد بنانے والوں کو تشدد، ہتھیار یا گینگ کلچر کی تعریف کرنے والے مواد سے باز رہنے کی ہدایت دی ہے۔
یہ بھی پڑھیں: نصیبو لعل کا گانا اونچی آواز میں چلانے پر رکشہ ڈرائیور کے خلاف مقدمہ، ’سزا کیا ہوگی‘
پولیس کے مطابق گینگسٹر سوشل میڈیا کے ذریعے نوجوانوں کو بھرتی کرنے کی کوشش کرتے ہیں اس لیے پولیس ان کی نگرانی بھی کر رہی ہے۔ ان کا کہنا تھا کہ نوجوان اپنی صلاحیتوں کو تعمیری اور قومی ترقی کے لیے استعمال کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس کی گانوں پر پابندی گانوں پر پابندی ہریانہ پولیس
ذریعہ
ذریعہ: WE News
کلیدی لفظ: پولیس کی گانوں پر پابندی گانوں پر پابندی ہریانہ پولیس گانوں پر پابندی
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار