ڈیرہ اسماعیل خان: سی ٹی ڈی کی کامیاب انٹلیجنس بیسڈ کارروائی، 3 دہشتگرد ہلاک
اشاعت کی تاریخ: 14th, January 2026 GMT
اویس کیانی: سی ٹی ڈی خیبرپختونخوا کی ٹیمز نے کامیاب انٹلیجنس بیسڈ آپریشن میں 3 مطلوب دہشتگردوں کو ہلاک کر دیا۔ ہلاک دہشتگردوں کی شناخت نعمت اللہ، عبد الروف افغانی اور مصطفی کے ناموں سے ہوئی ہے۔ یہ دہشتگرد پولیس اور دیگر سیکیورٹی فورسز پر حملوں میں براہِ راست ملوث تھے۔
کارروائی کے دوران دہشتگردوں سے 3 کلاشنکوفیں، 9 میگزین، 2 ہینڈ گرینیڈز اور متعدد کارتوس برآمد ہوئے۔ واقعہ کی تفصیلات کے مطابق سی ٹی ڈی ٹیمز نے جائے وقوعہ پر دہشتگردوں کو گھیرے میں لیا تو انہوں نے گرفتاری سے بچنے کے لیے فائرنگ کی، جس کے جواب میں سیکیورٹی فورسز نے حق خود حفاظت استعمال کرتے ہوئے دہشتگردوں کو ہلاک کیا۔
سرکاری محکموں میں پیٹرول و ڈیزل گاڑیوں پر پابندی عائد
انسپکٹر جنرل پولیس خیبرپختونخوا ذوالفقار حمید اور ایڈیشنل آئی جی سی ٹی ڈی نے کامیاب کارروائی پر سی ٹی ڈی اسپیشل ویپنز اینڈ ٹیکٹکس ٹیمز کو خراجِ تحسین پیش کیا اور کہا کہ فتنہ الخوارج کو عبرت بنانے کے لیے ٹارگٹڈ آپریشنز کا سلسلہ مزید تیز کیا جائے گا۔ انہوں نے واضح کیا کہ پولیس اور سیکیورٹی فورسز پر حملوں کا ردعمل انتہائی سخت ہوگا اور آخری دہشتگرد کے خاتمے تک کارروائیاں جاری رہیں گی۔
وفاقی وزیر داخلہ محسن نقوی نے بھی ڈی آئی خان میں ہلاک دہشتگردوں کو بھارتی سپانسرڈ قرار دیتے ہوئے سی ٹی ڈی کی ستائش کی اور کہا کہ یہ کارروائی خیبرپختونخوا میں قیام امن کے لیے تمام فورسز کی کامیابی ہے۔ انہوں نے کہا کہ پوری قوم بہادر فورسز کے شانہ بشانہ کھڑی ہے تاکہ فتنہ الہندوستان کے ناسور کا مکمل خاتمہ یقینی بنایا جا سکے۔
ایلون مسک نے ایران میں مفت اسٹار لنک انٹرنیٹ فراہم کر دیا
.
ذریعہ
ذریعہ: City 42
کلیدی لفظ: دہشتگردوں کو سی ٹی ڈی
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ