ترکیے سے غیرقانونی مقیم افغان شہریوں کی بے دخلی جاری، مزید 18 افراد ڈی پورٹ
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
ترکیے نے غیرقانونی طور پر مقیم مزید 18 افغان شہریوں کو گرفتار کرکے ملک بدر کر دیا ہے۔
افغان میڈیا کے مطابق یہ کارروائی رہائشی دستاویزات نہ ہونے کی بنیاد پر کی گئی، جس کے بعد گرفتار افغان باشندوں کو ڈی پورٹیشن سینٹر منتقل کیا گیا اور بعد ازاں انہیں افغانستان واپس بھیج دیا گیا۔
ترکیے میں غیرقانونی غیرملکیوں کے خلاف کریک ڈاؤن میں تیزی آ گئی ہے اور افغان شہری اس کی بڑی زد میں ہیں۔ ترک حکام کا مؤقف ہے کہ ملک میں قیام کے لیے قانونی دستاویزات کا ہونا لازم ہے اور اس حوالے سے کسی قسم کی رعایت نہیں دی جا رہی۔
رپورٹس کے مطابق گزشتہ سال ترکیے میں 42 ہزار سے زائد غیرقانونی افغان باشندوں کو گرفتار کیا گیا تھا، جن میں سے بڑی تعداد کو واپس افغانستان ڈی پورٹ کیا گیا۔
واضح رہے کہ پاکستان، ایران، امریکا، برطانیہ اور مختلف یورپی ممالک میں بھی غیرقانونی طور پر مقیم افغان شہریوں کی واپسی کا عمل جاری ہے، جب کہ امریکا سمیت متعدد ممالک افغان شہریوں پر ویزا پابندیاں بھی عائد کر چکے ہیں۔
ماہرین کے مطابق عالمی سطح پر امیگریشن قوانین سخت ہونے کے باعث افغان شہریوں کو شدید مشکلات کا سامنا ہے اور مستقبل میں ملک بدری کے ایسے اقدامات میں مزید اضافہ متوقع ہے۔
.
ذریعہ
ذریعہ: Jasarat News
کلیدی لفظ: افغان شہریوں
پڑھیں:
کراچی، محسن نقوی کا صفورا میں واقع نادرا میگا سینٹر کا اچانک دورہ
وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ متعلقہ فائیلیںاسلام ٹائمز۔ وفاقی وزیر داخلہ محسن نقوی نے یونیورسٹی روڈ صفورا میں واقع نادرا میگا سینٹرکا اچانک دورہ کیا۔ وزیر داخلہ نے شہر قائد کے نادرا میگا سینٹر میں شہریوں کے لئے سہولتوں کا جائزہ لیا، محسن نقوی شناختی کارڈز اور دیگر دستاویزات بنانے کے لیے آئے شہریوں سے ملے۔ وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ شہریوں کا کہنا تھا کہ شناختی کارڈز اور دیگر دستاویزات بنوانے میں انتظار نہیں کرنا پڑتا، وقت پر باری آ جاتی ہے اور عملہ بھی مکمل تعاون کرتا ہے۔ محسن نقوی مختلف کاؤنٹرز پر گئے اور خصوصا بزرگ شہریوں سے گفتگو کی اور ان کے ایشوز پوچھے، بزرگ شہریوں اور خواتین کے کام ترجیحی بنیادوں پر کرنے کے احکامات جاری کئے۔ وزیر داخلہ محسن نقوی نے نادرا سینٹر کے انچارج اور عملے کی کارکردگی کی تعریف کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ