خیبرپختونخوا حکومت عمران خان سمیت مختلف ناموں کی نمبر پلیٹس نیلام کرے گی
اشاعت کی تاریخ: 14th, January 2026 GMT
خیبر پختونخوا کے محکمہ ایکسائز اینڈ ٹیکسیشن نے صوبے بھر میں گاڑیوں کے لیے منفرد نمبر پلیٹ اجرا کرنے کا فیصلہ کیا ہے۔
یہ نمبر پلیٹس بانی پی ٹی آئی عمران خان سمیت معروف شخصیات، قبائل، علاقوں اور اضلاع کے ناموں پر مشتمل ہوں گی، جس کے لیے باقاعدہ بولی 27 جنوری کو ہو گی۔
یہ بھی پڑھیں: وزیراعظم نے خیبرپختونخوا میں ترقیاتی عمل کا جائزہ لینے کے لیے کمیٹی تشکیل دیدی
صوبائی محکمہ پہلی بار اس نوعیت کے منفرد گاڑی نمبرز متعارف کرا رہا ہے اور پہلے مرحلے میں 25 ایسے منفرد نمبر پلیٹوں کی نیلامی کی جائے گی، جو مختلف قبائل، علاقوں، اضلاع اور شخصیات کے ناموں پر مشتمل ہوں گے۔
محکمہ ایکسائز کے پی نے پرسنلائز گاڑیوں کے نمبر پلیٹ کی نیلامی کا اعلان کردیا
نیلامی می عمران خان-1، عمران خان-804 نمبر پلیٹ کی بنیادی قیمت 10لاکھ روپے مقرر کردی گئی pic.
— Rizwan Ghilzai (Remembering Arshad Sharif) (@rizwanghilzai) January 12, 2026
محکمہ ایکسائز کی جانب سے جاری نیلامی نوٹس کے مطابق، منظور شدہ 25 نمبرز میں قبائل یا قوموں کے ناموں پر خلیل 1، ارباب 1، گنڈاپور 1، آفریدی 1، کنڈی 1، سواتی 1، یوسفزئی 1، محسود 1، خٹک 1 اور دیگر شامل ہیں۔
اسی طرح اضلاع اور علاقوں کے ناموں پر ایبٹ آباد 1، ہری پور 1، مالاکنڈ 1، صوابی 1 اور دیگر شامل ہیں، جبکہ شخصیات کے ناموں میں عمران خان 1 اور عمران خان 804 شامل ہیں۔
محکمے کے مطابق ان منفرد نمبرز کے لیے بولی 27 جنوری کو پشاور کے نشتر ہال میں ہو گی۔
مزید پڑھیں: خیبرپختونخوا کے ضلع کرک میں پولیس کا کامیاب آپریشن، 8 دہشتگرد ہلاک
محکمے کی جانب سے جاری نوٹس کے مطابق نیلامی کی بنیادی قیمت 10 لاکھ روپے ہو گی، جبکہ نیلامی میں حصہ لینے کے لیے ایک لاکھ روپے سیکیورٹی جمع کرانا ہو گی۔
محکمے کے مطابق اگر کسی امیدوار کو اپنی پسند کا نمبر درکار ہو تو بولی سے قبل درخواست دینا ہو گی، تاکہ اسی نام کو بولی میں شامل کیا جا سکے۔
محکمے کے ایک افسر نے بتایا کہ صوبے میں پسندیدہ نمبر پلیٹس کا رجحان بڑھ رہا ہے، اسی کو مدنظر رکھتے ہوئے حکومت نے منفرد نمبرز کے اجرا کا فیصلہ کیا ہے۔
مزید پڑھیں: وفاق کے ذمے واجب الادا فنڈز کے حصول کے لیے صوبائی حکومت کے ساتھ ہوں، گورنر خیبرپختونخوا
’ہمارے معاشرے میں لوگ اپنے قبیلے یا علاقے کا نام فخر سے لکھتے ہیں، اب کوئی بھی ادائیگی کر کے قانونی طور پر اسی نام کی نمبر پلیٹ حاصل کر سکتا ہے۔‘
انہوں نے بتایا کہ منفرد نمبر پلیٹس سے صوبے کو اضافی آمدن حاصل ہو گی، جبکہ مستقبل میں اس منصوبے کو مزید وسعت دی جائے گی، ان کا کہنا تھا کہ بولی میں کچھ ناموں کی نمبر پلیٹس کے بارے میں توقع ہے کہ زیادہ بولی آئے گی، جس سے محکمے کو فائدہ ہو گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
804 اضلاع ایبٹ آباد ایکسائز اینڈ ٹیکسیشن بولی خٹک خیبر پختونخوا صوابی عمران خان قبائل مالاکنڈ محسود منفرد نمبر پلیٹ نیلام ہری پور یوسفزئی
ذریعہ
ذریعہ: WE News
کلیدی لفظ: اضلاع ایبٹ ا باد ایکسائز اینڈ ٹیکسیشن بولی خٹک خیبر پختونخوا صوابی مالاکنڈ نمبر پلیٹ نیلام ہری پور یوسفزئی منفرد نمبر پلیٹ کے ناموں پر نمبر پلیٹس کے مطابق کے لیے
پڑھیں:
بانی سے ملاقات تک خیبرپختونخوا کا بجٹ پاس نہ کیا جائے، علیمہ خان کی سہیل آفریدی کو تنبیہ
راولپنڈی: بانی پی ٹی آئی کی بہن علیمہ خان نے وزیراعلیٰ خیبرپختونخوا کو تنبیہ کی ہے کہ عمران خان سے ملاقات ہونے تک صوبے کا بجٹ منظور نہ ہونے دیں۔
ایکسپریس نیوز کے مطابق وزیراعلی سہیل آفریدی نے علیمہ خان کے ساتھ فیکٹری ناکے پر میڈیا سے گفتگو کی۔ اس دوران سہیل آفریدی نے بجٹ پاس کرنے کی بات کی تو علیمہ خان نے انہیں ٹوک دیا۔
علیمہ خان نے سہیل آفریدی کو خیبرپختونخوا کا بجٹ پاس کرنے پر تنبیہ کرتے ہوئے کہا کہ ’آپ بجٹ پاس کیوں کر رہے ہیں؟ ان سے کہیں پہلے میری بانی سے ملاقات کروائیں‘۔
علیمہ خان نے کہا کہ بانی پی ٹی آئی نے پچھلے سال بھی کہا تھا میرے ساتھ بجٹ پر بات کرو ، آپ آج بھی ان سے کہیں بجٹ سے پہلے بانی سے ملاقات کرائیں ۔
وزیراعلیٰ سہیل آفریدی نے کہا کہ گلگت بلتستان میں سارے لوگ ظلم کیخلاف کھڑے ہوگئے ہیں۔ بانی پی ٹی آئی کو تنہا کیا گیا جو غیر قانونی اور غیر آئینی ہے، ہمارا یہاں آنے کا ایک ہی مطالبہ ہے بانی کو شفا انٹرنیشل منتقل کیا جائے۔
انہوں نے کہا کہ ہم چاہتے ہیں کہ بانی کا علاج انکی فیملی اور ذاتی معالج کی موجودگی میں ہو، ان کے مقاصد کچھ اور ہیں اس لئے یہ ملنے نہیں دے رہے۔ عید سے پہلے انہون نے ہمیں گیارہ گھنٹے تک روک کر عوام کو مصیبت میں ڈالا گیا
اُن کا کہنا تھا کہ مجھے اگر نہیں ملنے دیتے تو فیملی کو کم از کم ملنے دیا جائے، پاکستان تحریک انصاف بانی پی ٹی آئی کا نام ہے، بانی نے جیل سے فیصلہ کیا کہ فلاں وزیر اعلیٰ نہیں ہو گا، بانی کے فیصلے کے بعد کوئی بھی طاقت اس کو نہیں بچا سکتی تھی۔
مزید پڑھیںاڈیالہ جیل میں عمران خان اور بشریٰ بی بی کی ملاقات
190 ملین پاؤنڈ کیس: عمران خان اور بشریٰ بی بی کے وکالت ناموں پر دستخط نہ ہو سکے
علیمہ خان نے سابق آرمی چیف کی عمران خان سے ملاقات کی خبر کو بے بنیاد قرار دیدیا
انہوں نے کہا کہ بانی نے کہا سہیل آفریدی وزیر اعلیٰ ہو گا تو دنیا کی کوئی طاقت اس کو تبدیل نہیں کرسکتی، اڈیالہ جیل سے جب تک بانی کا کوئی نیا پیغام نہیں آئے گا میں ہی وزیر اعلیٰ رہوں گا۔
سہیل آفریدی نے کہا کہ کے پی کی حکومت فقط بانی پی ٹی ہی ختم کر سکتے ہیں اور اس کے علاوہ یہ کام کوئی نہیں کرسکتا، صوبے میں فارورڈ بلاک پروپیگینڈا ہے اور یہ اس لئے کیا گیا وفاقی بجٹ میں ایک بار پھر عوام کا خون چوسا جائے گا۔
وزیراعلیٰ نے کہا کہ پاکستان کے اندرونی و بیرونی قرضے 97 ارب تک پہنچ چکے، حکومت ٹیکس کے اہداف پورے نہیں کر سکی اور آج حکومت میں شامل پارٹیاں عوام کا نہیں سوچ رہیں۔
سہیل آفریدی نے کہا کہ پاکستان کا تجارتی خسارہ دن بدن بڑھتا جا رہا ہے، میری تمام لوگوں سے درخواست ہے کہ وہ بانی کے علاج کیساتھ اس بجٹ پر فوکس رکھیں۔
وزیراعلیٰ نے کہا کہ کے پی حکومت نے کابینہ سے بجٹ پیپر پاس کر دیا ہے اور ہم نے کوئی سرپلس بجٹ نہیں دیا، اس سال بھی عوام دوست بجٹ پیش کیا جائے گا۔ ہمارا سارا فوکس صحت تعلیم زراعت نوجوان اور جنگلات پر ہے۔
انہوں نے مزید کہا کہ ہم اپنے بجٹ میں بہت اچھی اور عوام دوست چیزیں لا رہے ہیں، وفاقی بجٹ کا اثر سارے صوبوں بشمول گلگت بلتستان پر پڑے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے