تھائی لینڈ میں کرین گرنے سے مسافر ٹرین حادثے کا شکار، ہلاکتوں کی تعداد 31ہوگئی
اشاعت کی تاریخ: 14th, January 2026 GMT
تھائی لینڈ میں چین کے تعاون سے جاری ہائی اسپیڈ ریل منصوبے کے دوران ایک کرین گرنے سے مسافر ٹرین پٹڑی سے اتر گئی، جس کے نتیجے میں 31 افراد ہلاک جبکہ درجنوں افراد زخمی ہو گئے ہیں۔
میڈیا رپورٹس کے مطابق حادثہ بدھ کے روز تھائی لینڈ کے دارالحکومت بینکاک سے اوبن راتھانی جانے والی مسافر ٹرین کے ساتھ پیش آیا، جب ناکھون راتھچاسیما صوبے میں زیر تعمیر ہائی اسپیڈ ریل منصوبے پر کام کے دوران کرین ٹرین پر آ گری۔ کرین گرنے کے بعد ٹرین پٹڑی سے اتر گئی اور کچھ حصوں میں آگ بھی بھڑک اٹھی۔
یہ بھی پڑھیں: بھارتی ریاست اڑیسہ میں خوفناک ٹرین حادثہ، 300 افراد ہلاک، 900 زخمی
ریسکیو حکام کے مطابق ٹرین میں 195 مسافر سوار تھے۔ حادثے کے فوراً بعد امدادی ٹیموں نے ملبے میں پھنسے مسافروں کو نکالنے کے لیے آپریشن شروع کیا۔ متعدد زخمیوں کو تشویشناک حالت میں اسپتال منتقل کیا گیا ہے۔
At least 22 people were killed and 55 others injured after a passenger train collided with a collapsed construction crane in northeastern Thailand's Nakhon Ratchasima province on Wednesday, local media reported.
— China Xinhua News (@XHNews) January 14, 2026
عینی شاہدین کے مطابق ایک زور دار آواز کے بعد دو دھماکوں کی آواز سنائی دی، جس کے بعد دیکھا گیا کہ کرین ٹرین کے درمیانی ڈبے پر آ گری اور اسے شدید نقصان پہنچا۔ تصاویر اور ویڈیوز میں الٹی ہوئی بوگیاں، دھواں اور آگ بجھاتے فائر فائٹرز دیکھے جا سکتے ہیں۔
حادثہ ایک 5.4 ارب ڈالر مالیت کے منصوبے پر کام کے دوران پیش آیا، جس کا مقصد بینکاک کو لاؤس کے راستے چین کے شہر کنمنگ سے جوڑنا ہے۔ اس منصوبے کے مکمل ہونے پر 600 کلومیٹر طویل ہائی اسپیڈ ریلوے لائن پر ٹرینیں 250 کلومیٹر فی گھنٹہ کی رفتار سے چلیں گی۔
یہ بھی پڑھیں: مسافر اور کارگو ٹرینوں کا خوفناک تصادم، 11 افراد جاں بحق، 20 زخمی
حکام کے مطابق واقعے کی مکمل تحقیقات کا حکم دے دیا گیا ہے، جبکہ تعمیراتی کمپنی نے جاں بحق اور زخمی ہونے والوں کے اہلخانہ کو معاوضہ اور امداد فراہم کرنے کا اعلان کیا ہے۔ تھائی لینڈ میں حفاظتی ضوابط پر عملدرآمد کی کمزوری کے باعث اس نوعیت کے صنعتی اور تعمیراتی حادثات ماضی میں بھی پیش آتے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news تصادم تھائی لینڈ ٹرین چین کرین
ذریعہ
ذریعہ: WE News
کلیدی لفظ: تھائی لینڈ چین تھائی لینڈ کے مطابق
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار