آئی سی سی رینکنگ: ویرات کوہلی نے 4 سال بعد پہلی پوزیشن حاصل کرلی
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
انٹرنیشنل کرکٹ کونسل (آئی سی سی) نے ون ڈے اور ٹیسٹ کرکٹ کے تازہ ترین رینکنگ نتائج جاری کر دیے ہیں، بھارت کے سابق کپتان ویرات کوہلی نے چار سال بعد ون ڈے بیٹرز کی دنیا کی نمبر ایک پوزیشن حاصل کر کے شائقین کرکٹ کے لیے خوشخبری سنائی ہے۔
آئی سی سی کی جانب سے جاری کردہ رینکنگ کے مطابق پاکستان کے سابق کپتان بابراعظم اپنی چھٹی پوزیشن برقرار ہیں، نیوزی لینڈ کے ڈیرل مچل ایک درجے کی بہتری کے بعد دوسرے نمبر پر پہنچ گئے اور بھارت کے روہت شرما دو درجے کی تنزلی کے بعد تیسرے نمبر پر ہیں۔
رینکنگ کے مطابق آسٹریلیا کے اسٹیو اسمتھ ایک درجے ترقی کے بعد چوتھے نمبر پر براجمان ہیں، جبکہ پاکستان کے سعود شکیل نویں اور سلمان آغا سترہویں پوزیشن پر موجود ہیں۔ بھارت کے کے ایل راہول نے ایک درجے کی ترقی کے بعد گیارہویں پوزیشن حاصل کی ہے۔
ون ڈے بولرز کی ٹاپ ٹین فہرست میں کوئی بڑی تبدیلی نہیں آئی، افغانستان کے راشد خان اپنی پہلی پوزیشن برقرار رکھنے میں کامیاب رہے، انگلینڈ کے جوفرا آرچر دوسرے نمبر پر ہیں اور بھارت کے کلدیپ یادیو تیسرے نمبر پر موجود ہیں۔
پاکستان کے ابرار احمد نویں اور حارث رؤف بائیسویں پوزیشن پر برقرار ہیں۔ مزید برآں، بھارت کے محمد سراج پانچ درجے ترقی کے بعد سولہویں اور رویندرا جڈیجہ پانچ درجے تنزلی کے بعد اکیسویں نمبر پر پہنچ گئے ہیں۔
آئی سی سی ون ڈے آل راؤنڈرز رینکنگ میں افغانستان کے عظمت اللہ عمرزئی کی پہلی پوزیشن برقرار ہے۔
ٹیسٹ کرکٹ میں انگلینڈ کے جو روٹ پہلے، ہیری بروک دوسرے اور آسٹریلیا کے ٹریوس ہیڈ تیسرے نمبر پر ہیں۔ ٹیسٹ بولرز میں بھارت کے جسپریت بمرا پہلے اور پاکستان کے نعمان علی دوسرے نمبر پر موجود ہیں، جبکہ ٹیسٹ آل راؤنڈرز میں بھارت کے رویندرا جڈیجہ کا پہلا نمبر برقرار ہے۔
یہ تازہ رینکنگ نتائج عالمی کرکٹ میں کھلاڑیوں کی فارم اور کارکردگی کی عکاسی کرتے ہیں، اور آنے والی سیریز اور عالمی ٹورنامنٹس کے لیے ٹیموں کے لیے اہم رہنمائی فراہم کرتے ہیں۔
ذریعہ
ذریعہ: Jasarat News
کلیدی لفظ: پاکستان کے بھارت کے کے بعد
پڑھیں:
کالم نگار کو بیوروکریسی کے بارے میں مبینہ ریمارکس پر نوٹس صرف مؤقف حاصل کرنے کے لیے جاری کیا گیا تھا، اس پر کوئی ایف آئی آر درج نہیں کی گئی، سینیٹ کی قائمہ کمیٹی برائے اطلاعات و نشریات کے اجلاس میں این سی سی آئی کی بریفنگ
اسلام آباد (ڈیلی پاکستان آن لائن)سینیٹر سرمد علی کی قائم مقام صدارت میں پی ٹی وی ہیڈ کوارٹر اسلام آباد میں سینیٹ کی قائمہ کمیٹی برائے اطلاعات و نشریات کا اجلاس منعقد ہوا جس میں این سی سی آئی اے کی جانب سے سوشل میڈیا کے اعداد و شمار اور میٹا کی جانب سے قابلِ اعتراض مواد ہٹانے کے حوالے سے بریفنگ دی گئی۔ این سی سی آئی اے نے واضح کیا کہ اس سے قبل کمیٹی کو جو اعداد و شمار فراہم کیے گئے تھے، وہ میٹا کے عوامی سطح پر دستیاب ڈیٹا پر مبنی تھے۔ کمیٹی نے اس وضاحت کو قبول کیا اور تصدیق شدہ حقائق کی بنیاد پر ذمہ دارانہ رپورٹنگ کی ضرورت پر زور دیا۔
کمیٹی نے بیوروکریسی کے بارے میں مبینہ متنازعہ ریمارکس پر ایک اخبار کے کالم نگار کو نوٹس جاری کرنے کے معاملے کا بھی جائزہ لیا۔ این سی سی آئی اے نے کمیٹی کو بتایا کہ یہ نوٹس پاس (PAS) افسران ایسوسی ایشن کے صدر کی طرف سے درج کرائی گئی شکایات کے بعد صرف کالم نگار کا مؤقف حاصل کرنے کے لیے جاری کیا گیا تھا۔ مزید آگاہ کیا گیا کہ پیکا کے تحت کوئی ایف آئی آر درج نہیں کی گئی، کالم نگار نے تاحال نوٹس کا جواب نہیں دیا، اور یہ مضمون اخبار کے ای پیپر سے ہٹا دیا گیا ہے، اگرچہ یہ کالم نگار کے فیس بک پیج پر اب بھی دستیاب ہے۔
سینیٹ کی قائمہ کمیٹی برائے اطلاعات و نشریات کا اجلاس،فلم "بلھا" پر پابندی یا نام تبدیلی کی سفارش، صحافیوں کے ہاؤسنگ کوٹے اور پیکا کیسز پر اہم فیصلے
بحث کے دوران اراکین نے پارلیمنٹ میں دی گئی حکومت کی اس یقین دہانی کو دہرایا کہ پیکا کا استعمال اخبارات اور ٹیلی ویژن کی ویب سائٹس یا ڈیجیٹل پلیٹ فارمز کے خلاف نہیں کیا جائے گا کیونکہ ان کے منظم کردہ مواد کو بالترتیب پریس کونسل اور پیمرا کنٹرول کرتے ہیں۔ سینیٹر پرویز رشید نے اس بات پر زور دیا کہ حقائق واضح کرنے کے لیے کالم نگار کو نوٹس کا جواب دینے کا کہا جائے۔ کمیٹی نے متفقہ طور پر مشاہدہ کیا کہ ہر فرد کی عزت اور تقدس کا احترام کیا جانا چاہیے۔ مشاورت کے بعد، قائم مقام چیئرمین نے این سی سی آئی اے کو ہدایت کی کہ وہ شکایت اور شکایات کنندہ دونوں کو پریس کونسل آف پاکستان کے پاس بھیجیں، جو کہ شائع شدہ کالم کا جائزہ لینے اور اس معاملے پر فیصلہ کرنے والا مناسب فورم ہے۔
کمیٹی نے صوبائی حکام سے پیکا کے مقدمات کی این سی سی آئی اے کو منتقلی کا بھی جائزہ لیا۔ سینیٹر وقار مہدی کے سوال پر این سی سی آئی اے کے حکام نے کمیٹی کو بتایا کہ سندھ سے اب تک صرف نو مقدمات منتقل کیے گئے ہیں، جبکہ دیگر صوبوں میں مقدمات کی منتقلی کا عمل ابھی باقی ہے۔ تفصیلی غوروخوض کے بعد، سینیٹر سرمد علی نے ہدایت کی کہ تمام متعلقہ صوبائی حکام کو خطوط بھیجے جائیں تاکہ عمل درآمد کے لیے سینیٹ کی ذیلی کمیٹی برائے اطلاعات و نشریات کی سفارشات اور رپورٹ کے ساتھ زیر التوا مقدمات کی منتقلی کو تیز کیا جا سکے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار