’پہلاج اپنی 3 ماؤں کیساتھ‘، اقرار الحسن کی نئی تصاویر وائرل
اشاعت کی تاریخ: 14th, January 2026 GMT
پاکستان کے معروف اینکر ومیزبان اقرار الحسن اپنی نجی زندگی کی وجہ سے اکثر خبروں میں رہتے ہیں، اب سوشل میڈیا پر ان کی نئی تصاویر پر صارفین کی جانب سے دلچسپ تبصرے کیے جارہے ہیں۔
نجی ٹی کے پروگرام ’سرعام‘ اور ’شان رمضان‘ کی میزبانی سے شہرت کی بلندیوں کو چھونے والے اینکر اقرار الحسن اپنی 3 شادیوں کی وجہ سے اکثر خبروں میں رہتے ہیں۔
علاوہ ازیں، اقرار الحسن ان دنوں وہ اپنی مجوزہ سیاسی جماعت کے حوالے سے ملاقاتوں اور عوامی سیشنز کر رہے ہیں جس پر کچھ لوگ انہیں شدید تنقید کا نشانہ بھی بنارہے ہیں جب کہ کچھ لوگ ان کے اس اقدام کو سراہ رہے ہیں۔
چند روز قبل، ان کی تیسری اہلیہ نے انکشاف کیا تھا کہ وہ عینی آپی یعنی اقرار کی پہلی بیوی کو جب تک دیکھ نہ لیں ان کی صبح نہیں ہوتی، اس دوران اقرارالحسن بھی اپنی دونوں بیویوں کے ہمراہ موجود تھے اور اس بیان پر صارفین نے اپنی رائے کا اظہار کیا تھا۔
اقرار الحسن کی تیسری اہلیہ عروسہ اقرار نے فوٹو اینڈ ویڈیو شیئرنگ پلیٹ فارم انسٹاگرام پر چند تصاویر شیئر کیں، جس میں پورا خاندان ایک ساتھ موجود ہے، جن میں قرۃ العین اقرار، فرح یوسف، عروسہ خان، اقرار الحسن اور ان کے صاحبزادے پہلاج اقرار بھی شامل ہیں۔
اقرار الحسن کی تیسری بیوی کی پہلی اہلیہ سے محبت پر دلچسپ گفتگو وائرل
پوسٹ کے ساتھ عروسہ اقرار نے شاعری بھی لکھی اور اس کیپشن کے ساتھ تصاویر اپ لوڈ کیں ’یہ تصویر ہے خوابوں کے رنگ ۔۔۔ خوشیوں کی سپنوں کی اپنوں کی۔
حیران کن طور پر یہ تصاویر خود اقرار الحسن نے بنائی تھیں جس پر صارفین نے دلچسپ تبصرے کیے۔
ایک مداح نے لکھا ہے کہ ان کی بہو کے لیے تو تین ساسیں ہوں گی۔
ایک اور نے تبصرہ کیا کہ شاید پاپا انہیں مصروف اور آپس میں جوڑے رکھنے کے دوران چوتھی کو ڈیٹ کر رہے ہوں۔
ایک صارف کا کہنا تھا کہ میں نے سگے بہنوں میں بھی اتنی یکجہتی نہیں دیکھی جتنی اقرار الحسن کی اہلیاؤں میں ہے۔
View this post on Instagramایک مداح نے پیش گوئی کی ہے کہ اقرار الحسن کی سیاسی جماعت کے اعلان کے فوراً بعد ہی یہ اتحاد دکھائی دینے لگا۔
ایک اور تبصرہ تھا کہ اقرار الحسن نے اپنے بیٹے پہلاج کے لیے اتنی ساری مائیں اکٹھی کر دی ہیں۔
.
ذریعہ
ذریعہ: Express News
کلیدی لفظ: اقرار الحسن کی
پڑھیں:
عطاء اللّٰہ خان عیسیٰ خیلوی کا اپنی قبر تیار کرنے کا انکشاف
پاکستان کے لیجنڈری گلوکار عطاء اللّٰہ خان عیسیٰ خیلوی(Attaullah Khan Esakhelvi) نے حال ہی میں ایک پوڈکاسٹ میں اپنی آخرت کی تیاری اور اپنی قبر سے متعلق گفتگو کی ہے۔
عطاء اللّٰہ خان عیسیٰ خیلوی نے پوڈکاسٹ میں بتایا کہ میں نے اپنی قبر پہلے ہی تیار کروا لی ہے۔
انہوں نے کہا کہ میں نے آخرت کی تیاری کر لی ہے، میری قبر عیسیٰ خیل میں تیار ہے، اگر آپ میری زندگی میں آئیں گے تو میں آپ کو دکھا دوں گا، ورنہ بعد میں خود دیکھ لیں گے، ہمارا خاندانی قبرستان ہے اور میں نے وہاں اپنے لیے ایک قبر مخصوص کروا رکھی ہے، ساتھ کچھ مزید جگہ بھی ہے، ایک میری اہلیہ کے لیے بھی ہے، اگرچہ یہ بات میں نے مذاق میں کہی تھی، اصل میں صرف اپنی قبر تیار کروائی ہے، اللّٰہ تعالیٰ ہم سب پر رحم فرمائے۔
مزیدپڑھیں:بيزوس، مسک اور زکربرگ جیسے ارب پتی ہر سال ایک خفیہ سمر کیمپ میں کیوں اکٹھے ہوتے ہیں؟
عطاء اللّٰہ خان عیسیٰ خیلوی نے بتایا کہ فارم ہاؤس اور مسجد تعمیر کروانے کے بعد میرے ذہن میں یہ خیال آیا کہ اپنی آخری آرام گاہ بھی وہیں ہونی چاہیے۔
گلوکار کا کہنا ہے کہ والدہ، عزیز و اقارب اور قریبی دوستوں کی وفات نے مجھے زندگی اور موت کے بارے میں زیادہ سوچنے پر مجبور کیا اور میں صرف اتنی دعا کرتا ہوں کہ اللّٰہ مجھے پُرسکون موت عطاء فرمائے۔
عطاء اللّٰہ خان عیسیٰ خیلوی کے اس بیان پر سوشل میڈیا صارفین کی مختلف آراء سامنے آئی ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع