بلوچستان حکومت نے ہیلتھ کارڈ کیلئے 2 ارب 25 کروڑ روپے جاری کر دیئے
اشاعت کی تاریخ: 14th, January 2026 GMT
ذرائع کے مطابق وزیراعلیٰ سرفراز بگٹی کے نوٹس پر محکمہ خزانہ بلوچستان نے بلوچستان ہیلتھ کارڈ کیلئے 2 ارب 25 کروڑ روپے کی رقم جاری کر دی ہے۔ اسلام ٹائمز۔ محکمہ خزانہ بلوچستان نے ہیلتھ کارڈ پروگرام کیلئے 2 ارب 25 کروڑ روپے کی رقم جاری کر دی۔ محکمہ خزانہ کے ذرائع نے بتایا کہ حکومت بلوچستان کی جانب سے غریب اور مستحق مریضوں کو مفت علاج معالجے کی سہولیات فراہم کرنے کیلئے شروع ہونے والا بلوچستان ہیلتھ کارڈ پروگرام اسٹیٹ لائف انشورنس کا 5 ارب روپے کا مقروض ہوا تو کراچی کے نجی ہسپتالوں میں بلوچستان ہیلتھ کارڈ کے تحت مریضوں کا علاج معالجہ بند کر دیا گیا۔ جس کی خبر شائع ہونے کے بعد وزیراعلیٰ بلوچستان سرفراز بگٹی نے رقم جاری نہ ہونے کا نوٹس لیتے ہوئے فوری طور پر رقم جاری کرنے کے احکامات جاری کئے تھے۔ جس کے بعد محکمہ خزانہ بلوچستان نے بلوچستان ہیلتھ کارڈ کیلئے 2 ارب 25 کروڑ روپے کی رقم جاری کر دی ہے۔ جس کے بعد تاحال بلوچستان ہیلتھ کارڈ پروگرام اسٹیٹ لائف کا 2 ارب 75 کروڑ روپے کا قرض دار ہے۔ محکمہ صحت کے ذرائع نے امید ظاہر کی ہے کہ وزیراعلیٰ بلوچستان سرفراز بگٹی کے احکامات کے تحت محکمہ خزانہ بلوچستان ہیلتھ کارڈ پروگرام کیلئے بقیہ رقم بھی جلد جاری کرے گا، تاکہ نادر اور مستحق مریضوں کے علاج معالجے میں کسی بھی قسم کی رکاؤٹ نہ آئے۔
.
ذریعہ
ذریعہ: Islam Times
کلیدی لفظ: کیلئے 2 ارب 25 کروڑ روپے محکمہ خزانہ بلوچستان بلوچستان ہیلتھ کارڈ ہیلتھ کارڈ پروگرام
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار