کراچی؛ بھتہ خوری میں ملوث سرگرم کارندوں کی نئی فہرست تیار
اشاعت کی تاریخ: 14th, January 2026 GMT
کراچی:
پولیس نے بھتہ خور گروہوں کے کارندوں پر مشتمل 15 رکنی فہرست تیار کر لی ہے۔
پولیس حکام کے مطابق یہ فہرست گرفتار ملزمان سے کی گئی تفتیش کی روشنی میں مرتب کی گئی ہے، جس میں شوٹرز اور بھتہ جمع کرنے والے ملزمان کے نام شامل کئے گئے ہیں۔
پولیس کے اسپیشل انویسٹیگیشن یونٹ کی جانب سے تیار کردہ فہرست میں شامل ملزمان میں خالد، ایاز، دانش، فہیم اور حنیف شامل ہیں، جبکہ دیگر ناموں میں فیضان، شبیر، انیس، بلال اور عابد بھی شامل کیے گئے ہیں۔
اس کے علاوہ نعیم، مدثر، حسیب، شیری اور اویس کے نام بھی فہرست کا حصہ ہیں۔ پولیس کے مطابق فہرست میں شامل 10 ملزمان شوٹرز ہیں، جو شہر کے مختلف علاقوں میں فائرنگ کے واقعات میں ملوث رہے ہیں، جبکہ 5 ملزمان بھتہ جمع کرنے کی سرگرمیوں میں ملوث ہیں۔
فہرست میں شامل ملزمان کا تعلق لیاری گینگ وار کے وسیع اللہ لاکھو اور صمد کاٹھیاواری گروہ سے ہے۔پولیس حکام کا کہنا ہے کہ فہرست میں شامل ملزمان کی گرفتاری کے لیے شہر کے مختلف علاقوں میں چھاپے مارے جا رہے ہیں اور جلد ملزمان کا سراغ لگا لیا جائیگا۔
.
ذریعہ
ذریعہ: Express News
کلیدی لفظ: فہرست میں
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار