واٹر ٹینکر اور ہائیڈرنٹس بند کرنے کا بیان، میئر کراچی نے چند گھنٹوں میں واپس لے لیا
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: میئر کراچی مرتضیٰ وہاب نے واٹر ٹینکر اور ہائیڈرنٹس بند کرنے سے متعلق اپنا بیان چند گھنٹوں کے اندر ہی واپس لے لیا ہے۔
میئر کراچی نے ضلع وسطی کی اہم شاہراہ جہانگیر روڈ کی ازسرِنو تعمیر کے سنگِ بنیاد کی تقریب کے بعد میڈیا سے گفتگو کرتے ہوئے کہا کہ شہر کے بعض علاقوں میں شہری 90 سے 10 دن تک پانی نہ ملنے کی شکایت کرتے ہیں جبکہ کچھ علاقوں میں روزانہ پانی آتا ہے اور اتنی مقدار میں آتا ہے کہ گاڑیاں تک دھوئی جاتی ہیں، پانی کی یہ غیر منصفانہ تقسیم ناانصافی کی عکاس ہے۔
میئر کراچی کا کہنا تھا کہ ٹینکر سروس کوئی نئی چیز نہیں بلکہ یہ برسوں سے جاری ہے اور جہاں لائن کا پانی نہیں پہنچتا وہاں ٹینکرز کے ذریعے پانی فراہم کیا جاتا ہے، شہر میں واٹر بورڈ کے سات ہائیڈرنٹس کی مدت ختم ہو چکی ہے اور ہائیڈرنٹس کا ٹھیکہ دو سال کے لیے ہوتا ہے۔
مرتضیٰ وہاب نے کہا کہ اس حوالے سے فیصلہ یہ کرنا تھا کہ نئے ٹھیکے دیے جائیں، توسیع کی جائے یا ہائیڈرنٹس بند کر دیے جائیں، انہوں نے واٹر کارپوریشن کو ہدایت کی ہے کہ پہلے پانی کی منصفانہ تقسیم کے لیے جامع حکمتِ عملی تیار کی جائے، اس کے بعد ہی ہائیڈرنٹس یا واٹر ٹینکر سروس بند کرنے سے متعلق کوئی فیصلہ کیا جائے گا۔
انہوں نے بتایا کہ ساتوں ہائیڈرنٹس کی فوری ٹینڈرنگ روک دی گئی ہے اور واٹر کارپوریشن کا پروپوزل سٹی کونسل میں پیش کیا جائے گا، اگر ہائیڈرنٹس مکمل طور پر بند کر دیے جائیں تو یہ بھی دیکھنا ہوگا کہ جن علاقوں میں لائن کا پانی نہیں پہنچتا وہاں ٹینکر کے بغیر پانی کیسے فراہم کیا جائے گا۔
میئر کراچی کے مطابق 23 جنوری کو واٹر کارپوریشن کی بورڈ میٹنگ ہوگی جس میں ٹینکر سروس اور ہائیڈرنٹس کی بندش سے متعلق حتمی فیصلہ کیا جائے گا۔
ذریعہ
ذریعہ: Jasarat News
کلیدی لفظ: اور ہائیڈرنٹس کیا جائے گا میئر کراچی ہے اور
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ