پی ایس ایل ٹیم ملتان کی نیلامی کا اعلان، سرمایہ کاروں کی دلچسپی عروج پر
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان کرکٹ بورڈ نے پاکستان سپر لیگ میں شامل ٹیم ملتان کی نیلامی کا باضابطہ اعلان کر دیا ہے۔
میڈیا ذرائع کے مطابق پی سی بی کی جانب سے اس حوالے سے باقاعدہ اشتہار بھی جاری کیا گیا ہے، جس میں دلچسپی رکھنے والے سرمایہ کاروں اور کاروباری گروپس کو نیلامی کے عمل میں حصہ لینے کی دعوت دی گئی ہے۔
پی سی بی کے مطابق ٹیم ملتان خریدنے کے خواہشمند فریقین 30 جنوری تک اپنی مالی بولیاں جمع کرا سکتے ہیں۔ اس کے بعد اسی روز جمع کرائی گئی بولیوں کی تکنیکی جانچ پڑتال مکمل کی جائے گی، جس کے بعد حتمی بڈرز کی فہرست جاری کی جائے گی۔ بورڈ حکام کا کہنا ہے کہ شفاف اور مسابقتی نیلامی کے ذریعے ٹیم کی فروخت کو یقینی بنایا جائے گا تاکہ لیگ کی مالی قدر میں مزید اضافہ ہو سکے۔
ذرائع کے مطابق پاکستان کرکٹ بورڈ کو ٹیم ملتان کی فروخت سے بھی غیر معمولی آمدن کی توقع ہے، جیسا کہ حال ہی میں دیگر ٹیموں کی نیلامی کے دوران دیکھنے میں آیا۔ پی ایس ایل کی ٹیم حیدرآباد ایک ارب 75 کروڑ روپے میں فروخت ہوئی تھی جب کہ سیالکوٹ کی ٹیم ایک ارب 50 کروڑ روپے میں نیلام کی گئی، جس نے لیگ کی مجموعی ویلیو کو نئی بلندیوں تک پہنچا دیا۔
ابتدائی طور پر پی سی بی نے اعلان کیا تھا کہ وہ ملتان سلطانز کو خود چلائے گا، تاہم سرمایہ کاروں کی جانب سے غیر معمولی دلچسپی سامنے آنے کے بعد بورڈ نے پالیسی میں تبدیلی کرتے ہوئے اس ٹیم کو بھی نیلام کرنے کا فیصلہ کیا۔ کرکٹ حلقوں کا کہنا ہے کہ یہ فیصلہ لیگ کو مزید مضبوط اور خودمختار بنانے کی جانب ایک اہم قدم ہے۔
ماہرین کے مطابق پی ایس ایل کی بڑھتی ہوئی مقبولیت، نشریاتی حقوق، اسپانسرشپ اور اسٹیڈیم میں شائقین کی دلچسپی نے لیگ کو خطے کی ایک بڑی کرکٹ پراپرٹی بنا دیا ہے، جس کے باعث سرمایہ کار اب اسے طویل المدتی کاروباری موقع کے طور پر دیکھ رہے ہیں۔ پی سی بی کا مؤقف ہے کہ نیلامی سے حاصل ہونے والی رقم ملکی کرکٹ کے ڈھانچے، نچلی سطح پر ٹیلنٹ کی ترقی اور انفر ااسٹرکچر پر خرچ کی جائے گی۔
ذریعہ
ذریعہ: Jasarat News
کلیدی لفظ: ٹیم ملتان کے مطابق پی سی بی
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
پاکستان نے ورلڈ کپ 2028 کیلیے براہ راست کوالیفائی کر لیا