کیٹی بندر: چھوٹی لانچ کو حادثہ، 6 جانیں بچالی گئیں
اشاعت کی تاریخ: 14th, January 2026 GMT
سندھ کے ضلع ٹھٹھہ میں واقع ساحلی علاقے کیٹی بندر کےقریب سمندرمیں ایک چھوٹی لانچ ڈوب گئی تاہم مقامی ماہی گیروں کی مدد سے میری ٹائم سیکیورٹی اہلکاروں نے حادثے کے شکار 8 میں 6 افراد کی جان بچالی۔
یہ بھی پڑھیں: بپر جوائے کی شدت میں مسلسل اضافہ، سمندری طوفان 15 جون کو کیٹی بندر سے ٹکرانے کا امکان
متعلقہ حکام کے مطابق ایک شخص کی لاش نکال لی گئی جبکہ ڈوبنے والے ایک اور ٖفرد کی تلاش کے لیے آپریشن جاری ہے۔
حکام نے بتایا کہ کراچی اور کیٹی بندر سے تعلق رکھنے والے 8 افراد شکار پر نکلے تھے اور وہ باقاعدہ ماہی گیر نہیں تھے۔
انہوں نے بتایا کہ لانچ چھوٹی تھی اور گہرے سمندر میں اتارنے کے لیے موزوں نہیں تھی۔ مزید برآں ابتدائی معلومات کے مطابق شکار پر نکلنے والے افراد نے احتیاطی تدابیر اختیار نہیں کی تھیں۔
مزید پڑھیے: انڈس ڈیلٹا: صفحہ ہستی سے مٹتے گاؤں، سمندر کی نذر ہوتی ایک بھرپور ثقافت، وجہ کیا ہے؟
حکوم کے مطابق الٹنے والی لانچ کو نکال لیا گیا ہے جبکہ واحد بخش نامی شخص کی تلاش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کشتی الٹنے کا واقعہ کیٹی بندر.
ذریعہ
ذریعہ: WE News
کلیدی لفظ: کشتی الٹنے کا واقعہ کیٹی بندر کیٹی بندر
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار