کشتی الٹنے سے شکار پر گئے 8 افراد ڈوب گئے، ایک کی لاش برآمد، ایک لاپتا
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
کیٹی بندر: کیٹی بندر کے قریب افسوسناک کشتی حادثے میں شکار پر جانے والے 8 افراد سمندر میں ڈوب گئے۔ حادثہ اس وقت پیش آیا جب کراچی سے پرندوں کے شکار کے لیے جانے والی کشتی تیز لہروں اور خراب موسم کے باعث بے قابو ہو کر الٹ گئی۔
ایکسپریس نیوز کے مطابق حادثے کی اطلاع ملتے ہی مقامی ماہی گیروں نے فوری امدادی کارروائی کرتے ہوئے 6 افراد کو زندہ بچا لیا، تاہم 2 افراد لاپتا ہو گئے تھے۔
میری ٹائم سیکیورٹی ایجنسی کے حکام کا کہنا ہے کہ سرچ اینڈ ریسکیو آپریشن کے دوران ایک لاپتا شخص ظہیر احمد کی لاش سمندر سے نکال لی گئی ہے، جبکہ دوسرے لاپتا شخص واحد بخش کی تلاش تاحال جاری ہے۔
حکام کے مطابق حادثے کا شکار ہونے والے افراد میں سے 5 کا تعلق کراچی جبکہ 3 کا تعلق کیٹی بندر سے ہے۔ ریسکیو کارروائی کے دوران ڈوبنے والی لانچ کو بھی ری کور کر لیا گیا ہے۔
ابتدائی اطلاعات کے مطابق حادثہ تیز ہواؤں اور اونچی لہروں کے باعث پیش آیا۔ ڈوبنے والے افراد کیٹی بندر کے قریب پرندوں اور مچھلی کے شوقیہ شکار میں مصروف تھے۔
مقامی ماہی گیر اور متعلقہ ادارے لاپتا شخص کی تلاش کے لیے مسلسل کوششیں کر رہے ہیں۔
ذریعہ
ذریعہ: Jasarat News
کلیدی لفظ: کیٹی بندر
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ