ملک میں سبز انقلاب کے لیے کوشاں ہیں، درخت کاٹنے پر جرمانہ بڑھانے کے لیے قانون میں ترمیم پر کام شروع کر دیا ہے: وزیر موسمیاتی تبدیلی
اشاعت کی تاریخ: 15th, January 2026 GMT
وفاقی وزیر موسمیاتی تبدیلی ڈاکٹر مصدق ملک نے کہا ہے کہ ان کی وزارت کچھ ایسے منصوبوں پر کام کر رہی ہے جن سے نہ صرف ملک میں سبز انقلاب آنے کا امکان ہے بلکہ اس سے پاکستان کی نئی نسل ماحولیاتی بہتری کے منصوبے شروع کر کے اپنا مستقبل بہتر بنا سکتی ہے۔
وی نیوز کے ساتھ ایک خصوصی انٹرویو میں انہوں نے کہا کہ وزارت موسمیاتی تبدیلی ماحولیاتی سائنس پر کام کرنے والے نوجوانوں کو نجی طبقے کے ساتھ ملانے کے ایک منصوبے پر کام کر رہی ہے جس کے تحت نوجوان ماہرین کی تحقیق اور ماحول بہتر بنانے کے منصوبوں اور ایجادات کو فروغ ملے گا۔
اسلام آباد میں حالیہ دنوں میں درختوں کی کٹائی کے مسئلے پر بات کرتے ہوئے انہوں نے کہا کہ وزارت موسمیاتی تبدیلی اس معاملے کا جائزہ لے رہی ہے تاہم مستقبل میں ایسے واقعات کو روکنے کے لیے درخت کاٹنے پر جرمانوں میں اضافے کے لیے قانون سازی کی جا رہی ہے اور اس سلسلے میں بل جلد قومی اسمبلی میں پیش کیا جائے گا۔
مصدق ملک نے کہا کہ اس وقت جو قانون نافذ ہے وہ ایک پرانا قانون ہے، جس کے تحت زیادہ سے زیادہ جرمانہ صرف 10 لاکھ روپے تک محدود ہے۔
’اب آپ خود سوچیں، اگر کوئی ادارہ یا فرد 40 کروڑ روپے کا ماحولیاتی نقصان کر دے، یا کروڑوں روپے کے درخت کاٹ دے، اور بدلے میں صرف 10 لاکھ روپے جرمانہ ادا کر دے، تو یہ کسی صورت انصاف نہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈاکٹر مصدق ملک سبز انقلاب ماحولیاتی سائنس موسمیاتی تبدیلی.
ذریعہ
ذریعہ: WE News
کلیدی لفظ: ڈاکٹر مصدق ملک سبز انقلاب ماحولیاتی سائنس موسمیاتی تبدیلی موسمیاتی تبدیلی کے لیے پر کام رہی ہے نے کہا
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار