پاکستانی پاسپورٹ کی عالمی حیثیت بہتر، 31 ممالک میں ویزا فری یا آسان سفر ممکن
اشاعت کی تاریخ: 15th, January 2026 GMT
ہینلے پاسپورٹ انڈیکس 2026 کے مطابق درجہ بندی میں 2 درجے بہتری کے بعد پاکستانی پاسپورٹ 100ویں نمبر سے بڑھ کر 98ویں نمبر پر آ گیا ہے۔
یہ پیش رفت پاکستان کی بڑھتی ہوئی سفارتی سرگرمیوں اور حالیہ بین الاقوامی معاہدوں کا نتیجہ ہے، جن کے باعث پاکستانی شہریوں کے لیے عالمی سفر میں بتدریج آسانیاں پیدا ہو رہی ہیں۔
پاکستان اس درجہ بندی میں یمن کے ساتھ مشترکہ طور پر 98ویں نمبر پر ہے، جو عالمی نقل و حرکت اور بین الاقوامی رسائی میں مسلسل پیش رفت کی عکاسی کرتا ہے۔
سفری سہولیات میں توسیعاب پاکستانی پاسپورٹ رکھنے والے شہری 31 ممالک میں ویزا فری، ویزا آن ارائیول یا الیکٹرانک ٹریول اتھارائزیشن کے تحت سفر کر سکتے ہیں۔
ان ممالک میں ایشیا، افریقہ، کیریبین اور اوشیانا کے خطے شامل ہیں، جس سے سیاحت، کاروباری سفر اور قلیل مدتی بین الاقوامی دوروں کے مواقع میں نمایاں اضافہ ہوا ہے۔
Pakistan’s passport ranking improving from 126th to 98th is a strong achievement and this momentum will continue, InshaAllah.
— Mohsin Naqvi (@MohsinnaqviC42) January 15, 2026
پاکستانی پاسپورٹ کے لیے ویزافری ممالک کی فہرست میں بارباڈوس، ڈومینیکا، ہیٹی، مائیکرونیشیا، مونٹسیرات، روانڈا، سینٹ ونسنٹ اینڈ دی گریناڈینز، ٹرینیڈاڈ اینڈ ٹوباگو، وانوآتو شامل ہیں۔
یہ بھی پڑھیں: پاکستان میں پاسپورٹ کی مانگ میں اضافہ، 2025 میں سب سے زیادہ اجرا
اسی طرح ویزاآن ارائیول کی فہرست میں برونڈی، کمبوڈیا، کیپ وردے آئی لینڈز، کومورو آئی لینڈز، کک آئی لینڈز، جبوتی، گنی بساؤ، مڈغاسکر، مالدیپ، موزمبیق، نیپال، نیوئے، پلاؤ آئی لینڈز، قطر، ساموا، سینیگال، سیرا لیون، تیمور لیستے اور تووالو، جبکہ کینیا، سیشلز اور سری لنکا الیکٹرونک ٹریول اتھارائزیشن والے ممالک کی فہرست میں شامل ہیں۔
یہ مقامات کیریبین کے خوبصورت جزائر، افریقی سیاحت، جنوبی ایشیائی ثقافتی مراکز اور بحرالکاہل کے پُرفضا علاقوں پر مشتمل ہیں، جہاں پاکستانی مسافر روایتی ویزا کی پیچیدہ کارروائی کے بغیر سفر کر سکتے ہیں۔
پاسپورٹ نظام میں جدتسفری آزادی میں اضافے کے ساتھ ساتھ پاکستان نے گزشتہ برس ڈیجیٹل انٹیگریٹڈ ڈیش بورڈ متعارف کرایا، جس کے ذریعے پاسپورٹ درخواستوں، پرنٹنگ اور ترسیل کے مراحل کی ریئل ٹائم نگرانی ممکن ہو گئی ہے۔ اس نظام سے ملک کے اندر اور بیرونِ ملک سفارتی مشنز میں خدمات کی رفتار اور شفافیت میں نمایاں بہتری آئی ہے۔
اس کے علاوہ قومی پاسپورٹ کو جدید انداز میں ازسرنو ڈیزائن کیا گیا ہے، جس میں چاروں صوبوں کے تاریخی اور ثقافتی مقامات کی عکاسی کی گئی ہے۔ نیا ڈیزائن جدید تقاضوں اور پاکستان کے ثقافتی ورثے کا حسین امتزاج پیش کرتا ہے۔
عالمی درجہ بندی کی صورتحالعالمی سطح پر سنگاپور مسلسل تیسرے سال دنیا کا طاقتور ترین پاسپورٹ قرار پایا ہے، جس کے حامل شہری 192 ممالک میں ویزا فری سفر کر سکتے ہیں۔ جاپان اور جنوبی کوریا 188 ممالک کے ساتھ دوسرے نمبر پر ہیں، جبکہ ڈنمارک، لگژمبرگ، اسپین، سوئیڈن اور سوئٹزرلینڈ مشترکہ طور پر تیسرے نمبر پر موجود ہیں۔
ہنگری، پرتگال، سلوواکیہ، سلووینیا اور متحدہ عرب امارات ٹاپ 5 میں شامل ہیں۔ متحدہ عرب امارات نے نیوزی لینڈ، آسٹریلیا، برطانیہ، کینیڈا، آئس لینڈ اور امریکا کو پیچھے چھوڑ دیا ہے، جبکہ امریکا 10ویں نمبر پر آ گیا ہے۔
بھارت کی پوزیشنبھارت 80ویں نمبر پر ہے اور بھارتی پاسپورٹ کے حامل افراد 55 ممالک میں ویزافری سفر کر سکتے ہیں، جو سفری آزادی میں بتدریج بہتری کو ظاہر کرتا ہے۔
دوسری جانب یمن، عراق، شام اور افغانستان بدستور فہرست کے نچلے حصے میں موجود ہیں، جہاں افغانستان دنیا کا کمزور ترین پاسپورٹ قرار پایا ہے، جس کے ذریعے صرف 24 ممالک تک رسائی ممکن ہے۔ یہ سنگاپور کے مقابلے میں 168 ممالک کا واضح فرق ہے۔
ہینلے پاسپورٹ انڈیکس اس امر کو اجاگر کرتا ہے کہ پاسپورٹ کی طاقت کس طرح مواقع، سلامتی اور عالمی نقل و حرکت پر اثر انداز ہوتی ہے، جبکہ پاکستان اور بنگلہ دیش جیسے درمیانی درجے کے ممالک کی پیش رفت بھی نمایاں طور پر سامنے آ رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین الیکٹرونک ٹریول اتھارائزیشن بحرالکاہل بھارت پاسپورٹ پاکستان ڈیجیٹل انٹیگریٹڈ ڈیش بورڈ سوئٹزرلینڈ کیریبین نیپال ہینلے پاسپورٹ انڈیکس ویزا آن ارائیول ویزا فری
ذریعہ
ذریعہ: WE News
کلیدی لفظ: اسپین بحرالکاہل بھارت پاسپورٹ پاکستان سوئٹزرلینڈ کیریبین نیپال ویزا آن ارائیول ویزا فری پاکستانی پاسپورٹ سفر کر سکتے ہیں ممالک میں ویزا آئی لینڈز ویزا فری شامل ہیں کرتا ہے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار