کیریئر میں زیادہ دنوں تک ٹاپ پوزیشن کا اعزاز، کوہلی بھی فہرست میں شامل
اشاعت کی تاریخ: 15th, January 2026 GMT
بھارتی اسٹار کرکٹر ویرات کوہلی مجموعی طور پر زیادہ دنوں تک ٹاپ پوزیشن پر رہنے والوں کی فہرست میں شامل ہوگئے۔
تفصیلات کے مطابق ویرات کوہلی نے گزشتہ روز تقریباً چار سال سے زائد عرصے کے بعد ون ڈے رینکنگ میں دوبارہ پہلی پوزیشن حاصل کی۔
اس کے ساتھ ہی وہ ون ڈے کیریئر میں سب سے زیادہ دنوں تک ٹاپ پوزیشن پر رہنے والوں کی ٹاپ 10 فہرست میں شامل ہوگئے ہیں۔
گزشتہ روز تک کوہلی اپنے کیریئر میں مجموعی طور پر 825 دن پہلی پوزیشن پر رہے۔
اس فہرست میں 2306 دن کے ساتھ ویسٹ انڈیز کے سر ویوین رچرڈز پہلے نمبر پر اور برائن لارا 2079 دن کے ساتھ دوسرے نمبر پر ہیں۔
مزید پڑھیںویرات کوہلی نے ون ڈے رینکنگ میں پھر پہلی پوزیشن حاصل کرلی
چوتھے نمبر پر پاکستان کے بابر اعظم 1359 دن کے ساتھ تیسری پوزیشن پر موجود آسٹریلیا کے مائیکل بیون (1361) سے صرف دو دن کی دوری پر ہیں۔
جنوبی افریقا کے اے بی ڈی ویلیئرز نے کیریئر کے 1356 دن بطور نمبر ون بیٹرکے گزارے۔
After Virat Kohli's return to the top of the ICC Men's ODI Batting rankings, here's a look at who has spent the most time at the top ????
Read more: https://t.
ذریعہ
ذریعہ: Express News
کلیدی لفظ: پوزیشن پر فہرست میں کے ساتھ
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار