اماراتی سفیر کی ملاقات، دو طرفہ شراکت داری معاہدہ دستخط کیلئے تیار: جام کمال
اشاعت کی تاریخ: 15th, January 2026 GMT
اسلام آباد (نمائندہ خصوصی) پاکستان اور متحدہ عرب امارات کے درمیان جامع اقتصادی شراکت داری معاہدہ (CEPA) معاہدہ جلد دستخط کے لیے تیار ہے۔ وزیرِ تجارت جام کمال خان نے اس سلسلے میں کہا کہ تکنیکی ٹیموں کی محنت رنگ لے آئی ہے اور سی ای پی اے جلد نافذ العمل ہو گا۔ وزیرِ تجارت جام کمال خان اور یو اے ای کے سفیر سالم محمد الزعبی کی ملاقات میں دوطرفہ اقتصادی تعاون کو مزید تیز کرنے اور پاکستان اور یو اے ای کے درمیان تجارت و سرمایہ کاری میں نئے مواقع پیدا کرنے پر اتفاق کیا گیا۔ انہوں نے کہا کہ سی ای پی اے معاہدہ دونوں ممالک کے تعلقات کو نئی معاشی جہت دے گا اور تجارت میں نمایاں اضافہ کرے گا۔ یو اے ای کے سفیر نے بتایا کہ یو اے ای پاکستان میں تجارت، لاجسٹکس، بندرگاہوں اور سرمایہ کاری کے شعبوں میں دلچسپی رکھتا ہے۔ ملاقات میں پاکستان اور یو اے ای نے وسطی ایشیا اور افریقہ میں مشترکہ تعاون بڑھانے اور تیسرے ممالک میں سہ فریقی تعاون کو فروغ دینے پر بھی بات کی۔
.
ذریعہ
ذریعہ: Nawaiwaqt
کلیدی لفظ: یو اے ای
پڑھیں:
وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل کا اہم اجلاس
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل (پی ایم ڈی سی) کا اہم اجلاس منعقد ہوا ،جس میں انڈونیشیا میں پاکستان کے سفیر زاہد چوہدری نے ویڈیو لنک کے ذریعے شرکت کی۔ اجلاس میں پی ایم ڈی سی کے صدر ڈاکٹر رضوان تاج اور رجسٹرار سمیت دیگر متعلقہ حکام بھی شریک ہوئے۔اجلاس میں انڈونیشیا کے میڈیکل طلبہ کو پاکستان کے طبی تعلیمی اداروں میں داخلے دینے سے متعلق امور کا تفصیلی جائزہ لیا گیا۔ اجلاس کو بتایا گیا کہ انڈونیشیا کی حکومت نے درخواست کی ہے کہ اس کے انڈرگریجویٹ اور پوسٹ گریجویٹ میڈیکل طلبہ کو پاکستان کے معیاری میڈیکل اور ڈینٹل کالجوں میں تعلیم کے مواقع فراہم کئے جائیں۔(جاری ہے)
وفاقی وزیرِ صحت مصطفیٰ کمال نے کہا کہ ان طلبہ کے تعلیمی اور رہائشی اخراجات انڈونیشیا کی حکومت برداشت کرے گی جبکہ انہیں پاکستان کے بہترین طبی تعلیمی اداروں میں مکمل شفافیت اور میرٹ کی بنیاد پر داخلے دیئے جائیں گے۔
انہوں نے کہا کہ اس اقدام کے تحت تقریباً 200 انڈونیشین میڈیکل اور ڈینٹل طلبہ کو عالمی معیار کی تعلیمی اور تربیتی سہولیات فراہم کی جائیں گی جس سے دونوں ممالک کے درمیان طبی تعلیم کے شعبے میں تعاون کو مزید فروغ حاصل ہوگا۔وزیرِ صحت نے کہا کہ یہ امر خوش آئند ہے کہ انڈونیشیا کی حکومت نے اپنے طلبہ کی طبی تعلیم کے لئے پاکستان کے اداروں پر اعتماد کا اظہار کرتے ہوئے انہیں ترجیح دی ہے۔ ان کا کہنا تھا کہ اس پیشرفت سے نہ صرف پاکستان اور انڈونیشیا کے دوطرفہ تعلقات مزید مضبوط ہوں گے بلکہ عالمی سطح پر پاکستان کے طبی تعلیمی نظام اور وقار کو بھی تقویت ملے گی۔مصطفیٰ کمال نے کہا کہ پاکستانی ڈاکٹرز دنیا بھر میں اپنی پیشہ وارانہ صلاحیتوں اور خدمات کے ذریعے ملک کا نام روشن کر رہے ہیں اور یہ اقدام پاکستان کے طبی شعبے پر بین الاقوامی اعتماد کا مظہر ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ