سٹی42: حکومت پنجاب کا اپنی چھت اپنا گھر پروگرام صوبے بھر میں ہزاروں خاندانوں کی زندگیاں بدلنے میں اہم کردار ادا کر رہا ہے۔ اس منصوبے کے تحت اب تک 64 ہزار سے زائد گھروں کی تعمیر مکمل کی جا چکی ہے، جس سے مستحق افراد کو کرایہ داری اور غیر یقینی صورتحال سے نجات ملی ہے۔
محکمہ ہاؤسنگ کے ترجمان کے مطابق پروگرام کے تحت پہلی قسط میں ایک لاکھ 21 ہزار 480 قرضے جاری کیے جا چکے ہیں جبکہ 21 ہزار 390 خاندانوں کو جلد دوسری قسط فراہم کی جائے گی۔ اس کے علاوہ 18 ہزار 240 نئے منظور شدہ قرضے بھی آئندہ دنوں میں جاری کیے جائیں گے۔
آٹا مزیدمہنگاہوگیا
ترجمان کا کہنا ہے کہ اپنی چھت اپنا گھر پروگرام کے تحت اب تک 5 ارب 53 کروڑ روپے کی ریکوری مکمل ہو چکی ہے اور منصوبے پر شفاف، تیز اور مؤثر انداز میں عملدرآمد جاری ہے۔ شہر اور دیہاتی دونوں علاقوں میں گھروں کی تعمیر کا عمل تیزی سے جاری ہے تاکہ زیادہ سے زیادہ مستحق خاندانوں کو فائدہ پہنچایا جا سکے۔
محکمہ ہاؤسنگ کے مطابق مستحق افراد تک آسان رسائی کے لیے صوبے بھر میں دفاتر قائم کیے گئے ہیں جبکہ آن لائن درخواست کا طریقہ کار بھی نہایت سادہ اور آسان رکھا گیا ہے۔
انٹرمیڈیٹ امتحانی عملے کے معاوضوں کیلئے فنڈز جاری
.
ذریعہ
ذریعہ: City 42
کلیدی لفظ: سٹی42
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار