وفاقی وزیر مذہبی امور سردار یوسف کا اسلام آباد گیس دھماکا متاثرین کے لیے مالی امداد کا اعلان
اشاعت کی تاریخ: 15th, January 2026 GMT
وفاقی وزیر مذہبی امور سردار محمد یوسف نے جی سیون میں گیس لیکج کے باعث پیش آنے والے افسوسناک دھماکے کے متاثرہ گھر کا دورہ کیا اور میڈیا سے گفتگو کرتے ہوئے متاثرین کے لیے مالی امداد کا اعلان کیا۔
وزیر نے کہا کہ جو لوگ واقعے میں فوت ہوئے ہیں، ان کے لواحقین کو ہر ایک کے لیے 5 لاکھ روپے دیے جائیں گے، جبکہ زخمی افراد کو وزارت کی جانب سے 50 ہزار روپے فی کس فراہم کیے جائیں گے۔ یتیم بچی کے جہیز کے لیے بھی وزیر نے اپنے خصوصی فنڈ سے مالی معاونت کا اعلان کیا۔
اسلام آباد گیس لیکج دھماکا: وفاقی وزیر مذہبی امور سردار محمد یوسف کا مسیحی خاندان کے ورثا کے لیے مالی امداد کا اعلان۔ ہلاک شدگان کے لواحقین کے لیے پانچ، پانچ لاکھ جبکہ زخمی افراد کو 50 ہزار فی کس دیے جائیں گے۔ سردار محمد یوسف@KulAalam @HussainAhmedCh8 @MurtazaViews pic.
— Media Talk (@mediatalk922) January 15, 2026
سردار یوسف نے اس واقعے کو قومی المیہ قرار دیتے ہوئے کہا کہ یہ ایک بہت بڑا صدمہ ہے، خاص طور پر مسیحی کمیونٹی کے لیے جو ہمارے ملک کا حصہ ہیں۔
انہوں نے مزید کہا کہ وزارت مذہبی امور اور بین المذاہب ہم آہنگی جو بھی کر سکتی ہے، کرے گی اور متاثرہ علاقے کی تعمیر نو کے لیے حکومت کی ہدایات جاری ہوں گی۔
وزیر نے بتایا کہ اس سانحے سے حفاظتی اقدامات کی اہمیت اور لاپروائی کے مہلک نتائج واضح ہوئے ہیں، اور آئندہ ایسے واقعات سے بچاؤ کے لیے آگاہی مہم چلائی جائے گی۔
سردار یوسف نے کہا کہ ہمارا ملک ایک متحد اور مستحکم قوم ہے، اور ایسے سانحات میں ہماری یکجہتی ہی ہماری حقیقی طاقت ہے۔ یہ سانحہ مختلف مذاہب اور طبقات سے تعلق رکھنے والے افراد کو متاثر کرتا ہے، جو واضح کرتا ہے کہ انسانی درد کی کوئی سرحد نہیں ہوتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد گیس دھماکا مالی امداد کا اعلان وفاقی وزیر مذہبی امور سردار محمد یوسف
ذریعہ
ذریعہ: WE News
کلیدی لفظ: اسلام ا باد گیس دھماکا مالی امداد کا اعلان وفاقی وزیر مذہبی امور سردار محمد یوسف وفاقی وزیر مذہبی امور سردار مالی امداد کا اعلان سردار محمد یوسف کے لیے کہا کہ
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار