سردی میں ہاتھوں کی جلد بےرونق ہوگئی ہے؟ جانیں انہیں نکھارنے کے آزمودہ طریقے
اشاعت کی تاریخ: 15th, January 2026 GMT
موسم کی شدت، مسلسل گھریلو یا دفتری کام اور مناسب دیکھ بھال نہ ہونے کے باعث اکثر خواتین کے ہاتھوں کی جلد بے جان اور کھردری ہوجاتی ہے۔
ماہرینِ کے مطابق بات چیت کے دوران چہرے کے بعد سب سے زیادہ توجہ ہاتھوں پر جاتی ہے، اسی لیے ہاتھوں کی خوبصورتی اور نرمی برقرار رکھنا بھی اتنا ہی ضروری ہے جتنا چہرے کی نگہداشت۔
اگر ہاتھوں کی جلد اپنی قدرتی چمک کھو چکی ہے تو چند آسان گھریلو طریقوں سے اسے دوبارہ جوان اور تروتازہ بنایا جا سکتا ہے۔
لیموں اور چینی کا پانی
ماہرین کے مطابق لیموں اور چینی کا استعمال ہاتھوں کی مردہ جلد ہٹانے میں مددگار ثابت ہوتا ہے۔ اس کے لیے آدھے لیموں کا رس نکال کر اس میں دو کھانے کے چمچ چینی ملا لی جائے۔ اس آمیزے کو ہاتھوں پر لگانے کے بعد کچھ دیر خشک ہونے دیا جائے اور پھر صابن سے ہاتھ دھو لیے جائیں۔ اس عمل سے جلد صاف اور روشن محسوس ہوتی ہے۔
پٹرولیم جیلی، گلیسرین اور لیموں کا رس
پٹرولیم جیلی، گلیسرین اور لیموں کے رس کا مرکب بھی ہاتھوں کی نرمی بحال کرنے کا مؤثر طریقہ سمجھا جاتا ہے۔ ایک چمچ پٹرولیم جیلی، ایک چمچ گلیسرین اور ایک لیموں کا رس اچھی طرح ملا کر کسی شیشی میں محفوظ کرلیا جائے۔ رات کے وقت یا باہر نکلنے سے پہلے اسے ہاتھوں پر لگانے سے جلد نرم، ملائم اور صحت مند نظر آنے لگتی ہے۔
چینی اور شہد کا اسکرب
چینی اور شہد سے تیار کردہ اسکرب بھی ہاتھوں کی رنگت نکھارنے میں مدد دیتا ہے۔ ایک چمچ چینی اور ایک چمچ شہد ملا کر ہلکے ہاتھوں سے مساج کیا جائے تو کالی رنگت اور ڈیڈ اسکن کم ہو جاتی ہے جبکہ جلد میں نرمی آ جاتی ہے۔
آلو کا پیسٹ
قدرتی اجزا میں آلو کو بھی جلد کے لیے مفید مانا جاتا ہے۔ ایک آلو چھیل کر پیس لیا جائے اور اس پیسٹ سے ہاتھوں کا مساج کر کے تقریباً 15 منٹ تک لگا رہنے دیا جائے۔ ماہرین کا کہنا ہے کہ آلو میں موجود قدرتی بلیچنگ خصوصیات جلد کو نکھارنے کے ساتھ اینٹی ایجنگ اثر بھی رکھتی ہیں۔
کھوپرے کا تیل
کھوپرے کے تیل کا باقاعدہ استعمال ہاتھوں کی جلد کے لیے نہایت فائدہ مند ہے۔ اس تیل میں اینٹی ایجنگ خصوصیات پائی جاتی ہیں جو جھریوں سے بچانے میں مدد دیتی ہیں۔ روزانہ رات کو کھوپرے کے تیل سے ہاتھوں کا مساج کرنے سے نہ صرف جلنے کے نشانات ہلکے پڑتے ہیں بلکہ جلد قدرتی طور پر نکھری اور جوان دکھائی دینے لگتی ہے۔
.
ذریعہ
ذریعہ: Express News
کلیدی لفظ: ہاتھوں کی جلد جاتی ہے ایک چمچ
پڑھیں:
متوسط اور تنخواہ دار طبقہ پس رہا ہے، حکومت بجٹ میں سہولیات دے، حافظ نعیم الرحمن
امیر جماعت اسلامی پاکستان نے خبردار کیا کہ موجودہ بدترین ٹیکس نظام کی وجہ سے پروفیشنل افراد اور ماہرین تیزی سے ملک چھوڑ رہے ہیں، جو ایک خوفناک رجحان ہے۔ اگر یہ صورتحال برقرار رہی تو یہ ملک کے مستقبل کے لیے تباہ کن ثابت ہو سکتی ہے۔ انہوں نے حکومت پر زور دیا کہ وہ عوامی مشکلات کا ادراک کرتے ہوئے آئندہ بجٹ میں ٹیکس اصلاحات اور ریلیف پیکج کا اعلان کرے تاکہ عوام کو معاشی مشکلات سے نجات مل سکے۔ اسلام ٹائمز۔ امیر جماعت اسلامی پاکستان حافظ نعیم الرحمن نے حکومت سے مطالبہ کیا ہے کہ آئندہ بجٹ میں تنخواہ دار اور مڈل کلاس طبقے کو فوری ریلیف فراہم کیا جائے اور ان پر عائد بھاری ٹیکسوں میں نمایاں کمی کی جائے۔ سماجی رابطے کی ویب سائٹ ایکس پر اپنے بیان میں حافظ نعیم الرحمن نے کہا کہ حکومت نے متوسط اور تنخواہ دار طبقے سے 605 ارب روپے انکم ٹیکس وصول کیا ہے، جبکہ یہی طبقہ اس وقت شدید معاشی دباؤ کا شکار ہے۔ انہوں نے کہا کہ بچوں کی تعلیم، بجلی اور گیس کے بھاری بل، مہنگا پٹرول، ناجائز لیوی، اشیائے خورونوش پر ٹیکس، صحت و علاج کے بڑھتے ہوئے اخراجات اور مہنگائی کے طوفان نے عوام کی زندگی اجیرن بنا دی ہے۔ امیر جماعت اسلامی نے کہا کہ حکومتی اقدامات اور معاشی پالیسیوں نے عوام کا جینا محال کر دیا ہے، اس لیے حکومت کو بجٹ میں فوری ریلیف کے اقدامات کرنے چاہیئے۔
امیر جماعت اسلامی نے مطالبہ کیا کہ ماہانہ ایک لاکھ 25 ہزار روپے تنخواہ پر عائد انکم ٹیکس مکمل طور پر ختم کیا جائے، جبکہ اس سے زیادہ تنخواہ حاصل کرنے والے افراد کے لیے انکم ٹیکس کی شرح کم از کم آدھی کی جائے۔ انہوں نے مزید کہا کہ زیادہ سے زیادہ ٹیکس کی شرح 35 فیصد سے کم کرکے 15 فیصد مقرر کی جائے تاکہ تنخواہ دار اور پیشہ ور طبقے کو ریلیف مل سکے۔ حافظ نعیم الرحمن نے خبردار کیا کہ موجودہ بدترین ٹیکس نظام کی وجہ سے پروفیشنل افراد اور ماہرین تیزی سے ملک چھوڑ رہے ہیں، جو ایک خوفناک رجحان ہے۔ اگر یہ صورتحال برقرار رہی تو یہ ملک کے مستقبل کے لیے تباہ کن ثابت ہو سکتی ہے۔ انہوں نے حکومت پر زور دیا کہ وہ عوامی مشکلات کا ادراک کرتے ہوئے آئندہ بجٹ میں ٹیکس اصلاحات اور ریلیف پیکج کا اعلان کرے تاکہ عوام کو معاشی مشکلات سے نجات مل سکے۔
وزارت آئی ٹی نے 1.67 ارب روپے سے زاید کے فنڈز طلب کرلیے