آصفہ بھٹو زرداری کا بحرین کے کنگ حمد یونیورسٹی ہسپتال میں ملٹری ہاسپٹل مائیکرو سکول کا دورہ
اشاعت کی تاریخ: 15th, January 2026 GMT
سٹی 42: پاکستان کی خاتونِ اول بی بی آصفہ بھٹو زرداری نے بحرین کے کنگ حمد یونیورسٹی ہسپتال میں ملٹری ہاسپٹل مائیکرو سکول کا دورہ کیا اور وہاں فراہم کی جا رہی تعلیمی اور طبی سہولیات کا معائنہ کیا۔
کِنگ حمد یونیورسٹی ہاسپٹل پہنچنے پر خاتونِ اول آصفہ بھٹو زرداری کو ہسپتال میں زیرِ علاج بچوں کے لیے تعلیمی سہولتوں پر بریفنگ دی گئی۔منتظمین نے بتایا کہ ہسپتال میں مائیکرو سکول کے ذریعے بچوں کو علاج کے ساتھ تعلیم جاری رکھنے کے مواقع فراہم کیئے جاتے ہیں۔
بی بی آصفہ بھٹو زرداری نے کنگ حمد ہسپتال میں زیر علاج بچوں کے لئے انٹرایکٹو کلاس رومز اور جدید تعلیمی سہولتوں کا مشاہدہ کیا۔پاکستان کی خاتونِ اول نے اساتذہ اور سپتال کے عملے کی بچوں کی صحت کیلئے اور اس کے ساتھ ان کی تعلیم کے لئے شاندار کاوشوں کو سراہا۔
لاہور میں 187 ٹریفک حادثات؛ 217 افراد زخمی
آصفہ بھٹو نے کہا، بیک وقت تعلیمی اور تھیراپیوٹک سپورٹ سے بچوں کی ذہنی اور جذباتی بہتری میں مدد مل رہی ہے۔ آصفہ بھٹو نے ہسپتال کی وارڈز میں بچوں سے ملاقات کی اور تعلیمی ماحول کو حوصلہ افزا اور امید افزا قرار دیا۔
پنجاب میں پتنگ بازی پر پابندی ؛ خلاف ورزی پر قید اور جرمانے ہوں گے ؛ محکمہ داخلہ پنجاب
خاتونِ اول بی بی آصفہ بھٹو زرداری نے بحرین کی شاہی پری نس سبیکا بنت ابراہیم ال خلیفہ سے ملاقات کی.
خاتونِ اول نے سپریم کونسل برائے خواتین کے تحت بحرینی خواتین کو بااختیار بنانے میں بحرین کے پیش قدم کردار اور پالیسی پر مبنی اقدامات کو سراہا۔بی بی آصفہ بھٹو زرداری نے پری نس سبیکا کی برسوں پر محیط خدمت، عزم اور لگن کی تعریف کی.
خاتونِ اول نے سندھ میں خواتین مرکوز بحالی پروگرام، جو 2022 کی غیر معمولی سیلاب کے بعد شروع کیا گیا، اور 2.1 ملین ماحولیاتی طور پر مضبوط گھر تعمیر کرنے کی کامیابی کے حوالے سے تفصیلات بھی شیئر کیں۔ان گھروں کے مالکانہ حقوق خواتین کو منتقل کیے گئے، جس سے خواتین کی معاشی اور سماجی تحفظ میں اضافہ ہوا۔
دونوں رہنماؤں نے شمولیتی ترقی کو فروغ دینے اور خاندانوں و بچوں کے لیے پروگراموں کی اہمیت پر زور دیا، اور کمیونٹی کی مضبوطی، تعلیم اور سماجی بہبود کے اقدامات کو سراہا۔
اقرار الحسن کا ’عوام راج ‘تحریک کا اعلان
ذریعہ
ذریعہ: City 42
کلیدی لفظ: بی بی آصفہ بھٹو زرداری نے ہسپتال میں
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار