بغیر ایم ٹیگ گاڑیوں کا اسلام آباد میں داخلہ آج رات 12 بجے کے بعد ممنوع
اشاعت کی تاریخ: 15th, January 2026 GMT
وفاقی دارالحکومت اسلام آباد میں گاڑیوں پر ایم ٹیگ لگوانے کی ڈیڈ لائن آج رات 12 بجے ختم ہو رہی ہے، جس کے بعد بغیر ایم ٹیگ گاڑیوں کا شہر میں داخلہ ممنوع ہوگا۔ اس ڈیڈ لائن میں توسیع کرنے کا تاحال فیصلہ نہیں ہوا ہے۔ ضلعی انتظامیہ کے مطابق رات 12 بجے کے بعد شہر کے انٹری پوائنٹس پر بغیر ایم ٹیگ گاڑیوں کے خلاف کارروائی عمل میں لائی جائے گی۔
یہ بھی پڑھیں: ایم ٹیگ کی آخری تاریخ: صرف 9 دن باقی، 15 جنوری سے بغیر ٹیگ گاڑیاں روکی جائیں گی
ڈپٹی کمشنر اسلام آباد عرفان نواز میمن نے شہریوں کو ہدایت کی ہے کہ وہ ہر صورت آج تک اپنی گاڑی پر ایم ٹیگ لگوا لیں۔ ان کا کہنا تھا کہ اب تک شہر بھر میں قائم 16 ایم ٹیگ سینٹرز سے ڈیڑھ لاکھ سے زائد گاڑیوں کو ایم ٹیگ جاری کیے جا چکے ہیں۔
ڈی سی اسلام آباد کے مطابق شہر کے 12 انٹری پوائنٹس اور مختلف ناکوں پر بغیر ایم ٹیگ گاڑیوں کی نشاندہی کے لیے ریڈرز نصب کر دیے گئے ہیں، جو مکمل طور پر فعال ہیں۔ ریڈرز کے فعال ہوتے ہی قانون نافذ کرنے والے ادارے بغیر ایم ٹیگ گاڑیوں کے خلاف کارروائی کریں گے۔
یہ بھی پڑھیں: اسلام آباد میں ایم ٹیگ ریڈرز کی تنصیب مکمل، خلاف ورزی کرنے والوں کو جرمانے ہوں گے
دوسری جانب ڈی جی ایکسائز بلال اعظم نے شہریوں کی سہولت کو مدنظر رکھتے ہوئے ایم ٹیگ سینٹرز کے اوقات کار میں توسیع کا اعلان کیا ہے۔ 26 نمبر چونگی اور 17 میل پھلگراں ٹول پلازہ پر قائم ایم ٹیگ سینٹرز 24 گھنٹے کھلے رہیں گے، جبکہ کچنار پارک اور سیکٹر ایف-9 پارک میں قائم کاؤنٹرز آج رات 12 بجے تک ایم ٹیگ کی سہولت فراہم کریں گے۔
واضح رہے کہ ایم ٹیگ منصوبہ اسلام آباد کو محفوظ ترین شہر بنانے کے لیے متعارف کرایا گیا ہے، جس کے تحت ہر گاڑی پر ایم ٹیگ کو ناگزیر قرار دیا گیا ہے۔ وزارت داخلہ کی جانب سے 31 دسمبر کی ڈیڈ لائن میں 15 دن کی اضافی مہلت دینے کا فیصلہ بھی سامنے آیا تھا۔ انتظامیہ کے مطابق انٹری پوائنٹس پر چیکنگ کا عمل جاری رہے گا اور بغیر ایم ٹیگ گاڑیوں کے خلاف مرحلہ وار قانونی کارروائی عمل میں لائی جائے گی۔
یہ بھی پڑھیں: اسلام آباد میں ایم ٹیگ کن 7 مقامات سے حاصل کیے جاسکتے ہیں؟
انتظامیہ کی جانب سے اپیل کی گئی ہے کہ کسی بھی ممکنہ پریشانی سے بچنے کے لیے بروقت اپنی گاڑیوں پر ایم ٹیگ لگوا لیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد ایم ٹیگ بلال اعظم پاکستان ڈی جی ایکسائز گاڑیاں.
ذریعہ
ذریعہ: WE News
کلیدی لفظ: اسلام اباد ایم ٹیگ بلال اعظم پاکستان ڈی جی ایکسائز گاڑیاں بغیر ایم ٹیگ گاڑیوں اسلام آباد میں پر ایم ٹیگ رات 12 بجے کے لیے
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا