کراچی کے سنگین مسائل کی وجہ حکومتی نا اہلی، بسوں کی کمی، ٹوٹی سڑکیں، تباہ حال انفرا اسٹرکچر ہے، منعم ظفر
اشاعت کی تاریخ: 15th, January 2026 GMT
مذاکرے سے خطاب کرتے ہوئے امیر جماعت اسلامی کراچی نے کہا کہ کراچی کو مافیاز کے حوالے کر دیا گیا ہے اور عوام کے مسائل دن بدن بڑھ رہے ہیں، مردم شماری میں کراچی کا حق مارا گیا، کراچی پورے ملک میں سب سے زیادہ ٹیکس دیتا ہے لیکن اسے اس کا حق نہیں دیا جاتا۔ اسلام ٹائمز۔ امیر جماعت اسلامی کراچی منعم ظفر خان کی زیر صدارت مقامی ہوٹل میں ”کراچی ٹرانسپورٹ، سلگتے مسائل و حل“ کے عنوان سے منعقد ہ مذاکرے میں مقررین نے اظہار خیال کرتے ہوئے کہا کہ شہر میں ٹرانسپورٹ کے سنگین مسائل کی بنیادی وجہ حکومتی اداروں کی نا اہلی، پبلک ٹرانسپورٹ کی عدم دستیابی، ٹوٹی پھوٹی سڑکیں و تباہ حال انفرا اسٹرکچر، تجاوزات کا قیام اور شہریوں کو ریلیف فراہم کرنے میں حکومت کی مجرمانہ غفلت و لاپرواہی ہے، چند سو بسوں سے شہر کے ٹرانسپورٹ مسائل حل نہیں ہوں گے، کراچی کو 15 ہزار بسیں، ماس ٹرانزٹ پروگرام اور سرکلر ریلوے کی ضرورت ہے، شہریوں کو ریلیف دینے کے لیے نا مکمل اور زیر التواء تمام پروجیکٹ فی الفور مکمل کیے جائیں، ہیوی ٹریفک سمیت سب کو قوانین کا پابند بنایا جائے، بھاری بھر کم ای چالان سے قبل ضروری سہولیات دی جائیں۔ مذاکرے سے جماعت اسلامی کے رکن سندھ اسمبلی محمد فاروق، سینئر صحافی مظہر عباس، سینئر صحافی عبد الجبار خٹک، سابق ایڈمنسٹریٹر کراچی عبدالروف فاروقی، ڈی آئی جی ٹریفک سید پیر محمد شاہ، ڈاکٹر اقبال آفریدی، ڈاکٹر ظفر فاطمی، ڈاکٹر توحید، آل واٹر ٹینکر اونر ایسوسی ایشن کے صدر حاجی باچا خان، جے آئی یوتھ کراچی کے سیکریٹری اسماعیل بلوچ و دیگر نے خطاب کیا۔ نظامت کے فرائض نائب امیر کراچی مسلم پرویز نے ادا کیے۔
منعم ظفر خان نے مذاکرے سے خطاب کرتے ہوئے کہا کہ سندھ حکومت کو جو کام 15 سال قبل کرنے چاہیئے تھے وہ آج تک نہیں کیے گئے، حکومت کی 5 ڈبل ڈیکر اور بی آر ٹی و لال بسوں سمیت 450 بسوں اور تقریباً 800 نجی بسوں سے اہل کراچی کے سنگین ٹرانسپورٹ مسائل کبھی حل نہیں ہو سکتے، پیپلز پارٹی کی صوبائی حکومت اپنی ذمہ داری پوری نہیں کرے گی اور صرف اعلانات و بیانات تک محدود رہے گی تو کراچی کے عوام آئندہ بھی اذیت کا شکار رہیں گے، آج کا مذاکرہ اہل کراچی کی ایک ”لاؤڈ تھنکنگ“ ہے، مسائل کے حل کے لیے وفاقی و صوبائی حکومتیں اور حکمران پارٹیاں اپنی ذمہ داریاں پوری کریں۔ منعم ظفر خان نے مزید کہا کہ کراچی کو مافیاز کے حوالے کر دیا گیا ہے اور عوام کے مسائل دن بدن بڑھ رہے ہیں، مردم شماری میں کراچی کا حق مارا گیا، کراچی پورے ملک میں سب سے زیادہ ٹیکس دیتا ہے لیکن اسے اس کا حق نہیں دیا جاتا۔ انہوں نے کہا کہ نادرن بائی پاس پر ہیوی ٹریفک کیوں نہیں چلائی جاتی جبکہ وہاں چنگ چی رکشہ چل رہے ہیں، لنک روڈ کو ہیوی ٹریفک کے لیے استعمال کیا جائے، اس سارے عمل میں ہمیں حکومت کی جانب سے کوئی دلچسپی نظر نہیں آتی، شہریوں کو ٹریفک قوانین کی پابندی ہرصورت کرنی چاہیئے لیکن اس کا ہرگز یہ مطلب نہیں کہ عوام کو کوئی ریلیف ہی نہ دیا جائے۔
ذریعہ
ذریعہ: Islam Times
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ