پاک امریکا مشق انسپائرڈ گمبٹ: دونوں ملکوں کی افواج کا پیشہ ورانہ مہارت کا مظاہرہ
اشاعت کی تاریخ: 16th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان اور امریکا کے درمیان جاری مشترکہ فوجی مشق انسپائرڈ گمبٹ 2026 کے دوران دونوں ممالک کی افواج نے اعلیٰ درجے کی پیشہ ورانہ صلاحیتوں کا مظاہرہ کیا۔
آئی ایس پی آر کے مطابق پاک امریکا مشق 8 جنوری کو شروع ہوئی تھی اور 16 جنوری تک جاری رہے گی۔ مشق کے سلسلے میں جمعرات کو نیشنل کاؤنٹر ٹیررازم سینٹر پبی میں معزز مہمانوں کے لیے خصوصی تقریب منعقد کی گئی۔
آئی ایس پی آر کا کہنا ہے کہ تقریب میں امریکا کی ناظم الامور نیٹلی اے بیکر اور دیگر سینئر امریکی فوجی حکام نے شرکت کی۔ مہمانوں کو مشق کے اغراض و مقاصد، اہمیت اور انعقاد کے مختلف پہلوؤں پر تفصیلی بریفنگ دی گئی۔
بیان کے مطابق مشق میں شریک دونوں افواج نے پیشہ ورانہ مہارت کا شاندار مظاہرہ کیا جسے معزز مہمانوں نے سراہا۔ آئی ایس پی آر نے بتایا کہ مشق کا بنیادی مقصد دہشت گردی سے نمٹنے کے تجربات کا تبادلہ، انسداد دہشت گردی کی صلاحیتوں کو بہتر بنانا اور باہمی ہم آہنگی کے ذریعے دوطرفہ فوجی تعاون کو مزید مضبوط کرنا ہے۔
ذریعہ
ذریعہ: Jasarat News
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار