کشمش بھگو کر کھانا زیادہ مفید یا بغیر بھگوئے؟
اشاعت کی تاریخ: 16th, January 2026 GMT
data-id="863a0a8" data-element_type="widget" data-widget_type="theme-post-content.default">
کشمش کو غذائیت سے بھرپور اور فوری توانائی فراہم کرنے والا قدرتی میوہ قرار دیا جاتا ہے، جو روزمرہ خوراک کا حصہ بن کر جسم کو نہ صرف طاقت دیتا ہے بلکہ مختلف طبی فوائد بھی فراہم کرتا ہے۔ تاہم عام طور پر یہ سوال کم ہی زیرِ غور آتا ہے کہ کشمش کو بھگو کر کھانا زیادہ مفید ہے یا اسے بغیر بھگوئے استعمال کرنا بہتر رہتا ہے۔
ماہرین کے مطابق کشمش دراصل انگور کو خشک کرنے کے بعد حاصل کی جاتی ہے، لیکن خشک ہونے کے عمل کے دوران اس میں موجود قدرتی مٹھاس اور غذائی اجزا کی تاثیر مزید بڑھ جاتی ہے۔ یہی وجہ ہے کہ کشمش کم مقدار میں بھی جسم کو زیادہ توانائی فراہم کرنے کی صلاحیت رکھتی ہے اور اسے ایک مکمل قدرتی اسنیک سمجھا جاتا ہے۔
غذائی ماہرین کا کہنا ہے کہ کشمش میں قدرتی شکر کے ساتھ فائبر، آئرن، پوٹاشیم، وٹامن بی 6 اور طاقتور اینٹی آکسیڈنٹس پائے جاتے ہیں، جو جسمانی کمزوری دور کرنے، خون کی کمی سے بچاؤ اور مجموعی صحت بہتر بنانے میں اہم کردار ادا کرتے ہیں۔ تاہم اس کے فوائد کا انحصار اس بات پر بھی ہوتا ہے کہ کشمش کو کس طریقے سے خوراک میں شامل کیا جائے۔
ماہرین غذائیت کے مطابق اگر کشمش کو رات بھر صاف پانی میں بھگو کر رکھا جائے اور صبح خالی پیٹ استعمال کیا جائے تو یہ نظامِ ہاضمہ کے لیے خاص طور پر فائدہ مند ثابت ہوتی ہے۔ بھیگی ہوئی کشمش نرم ہو جاتی ہے، جس سے اسے ہضم کرنا آسان ہو جاتا ہے اور قبض، بدہضمی جیسے مسائل میں نمایاں کمی دیکھی جا سکتی ہے۔
بعض ماہرین کا کہنا ہے کہ یہ طریقہ جگر کی کارکردگی بہتر بنانے، خون کی صفائی اور وزن کم کرنے کے عمل میں بھی معاون ثابت ہو سکتا ہے۔
اس کے برعکس کشمش کو بغیر بھگوئے کھانے سے جسم کو فوری توانائی حاصل ہوتی ہے، کیونکہ اس میں قدرتی گلوکوز کی مقدار زیادہ ہوتی ہے۔ یہی وجہ ہے کہ تھکن، جسمانی کمزوری یا ورزش سے قبل کشمش کا استعمال فائدہ مند سمجھا جاتا ہے۔ تاہم غذائی ماہرین اس بات پر بھی خبردار کرتے ہیں کہ زیادہ مقدار میں کشمش کھانے سے کیلوریز کی مقدار بڑھ سکتی ہے، جو وزن میں اضافے کا سبب بن سکتی ہے۔
دلچسپ امر یہ ہے کہ کشمش کے فوائد صرف توانائی تک محدود نہیں بلکہ یہ آنکھوں، ہڈیوں، جلد اور بالوں کی صحت کے لیے بھی مفید مانی جاتی ہے۔ اس میں موجود آئرن خون کی کمی کو دور کرنے میں مدد دیتا ہے، پوٹاشیم دل کے افعال کو بہتر بناتا ہے جبکہ اینٹی آکسیڈنٹس جلد کو تروتازہ اور جوان رکھنے میں اہم کردار ادا کرتے ہیں۔
غذائی ماہرین کی مجموعی رائے یہی ہے کہ کشمش کو رات بھر پانی میں بھگو کر صبح خالی پیٹ اچھی طرح چبا کر کھانا صحت کے لیے سب سے بہتر طریقہ ہے۔ اگر مقصد ہاضمے کی بہتری، خون کی صفائی اور مجموعی صحت کو فروغ دینا ہو تو بھیگی ہوئی کشمش کو ترجیح دینی چاہیے، البتہ فوری توانائی کی ضرورت ہو تو اسے مناسب مقدار میں بغیر بھگوئے بھی استعمال کیا جا سکتا ہے۔
ذریعہ
ذریعہ: Jasarat News
کلیدی لفظ: بغیر بھگوئے ہے کہ کشمش جاتا ہے جاتی ہے کشمش کو بھگو کر خون کی
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار