جنوبی پنجاب کی ترقی و خوشحالی مجموعی ترقی کیلئے ناگزیر ہے،یوسف گیلانی
اشاعت کی تاریخ: 16th, January 2026 GMT
اسلام آباد:(نیوزڈیسک )قائم مقام صدر سید یوسف رضا گیلانی نے کہا ہے کہ جنوبی پنجاب کی ترقی و خوشحالی پاکستان کی مجموعی ترقی کے لیے ناگزیر ہے۔
قائم مقام صدر سے حافظ حسین احمد مدنی اور نوابزادہ سردار رفیق عباسی نے علیحٰدہ علیحدٰہ ملاقات کی ۔ملاقاتوں کے دوران جنوبی پنجاب کی ترقی و خوشحالی اور وہاں کے عوام کی فلاح و بہبود کے لیے اپنے دیرینہ عزم کا اعادہ کیا۔ملاقاتوں میں جنوبی پنجاب سے متعلق اُمور پر تفصیلی تبادلہ خیال کیاگیا۔
حافظ حسین احمد مدنی اور نوابزادہ سردار رفیق عباسی نے پاکستان بالخصوص جنوبی پنجاب کے لیے سید یوسف رضا گیلانی کی خدمات کو سراہا اور حالیہ سیلاب کے دوران بروقت اور مؤثر عوامی خدمت کے اقدامات پر سید یوسف رضا گیلانی کو خراجِ تحسین پیش کیا۔
.
ذریعہ
ذریعہ: Daily Mumtaz
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی