جنوبی پنجاب کی ترقی ملکی ترقی سے جڑی ہے، قائم مقام صدر یوسف رضا گیلانی
اشاعت کی تاریخ: 16th, January 2026 GMT
قائم مقام صدر یوسف رضا گیلانی نے کہا ہے کہ جنوبی پنجاب کی ترقی اور خوشحالی پورے پاکستان کی مجموعی ترقی کے لیے ناگزیر ہے۔
انہوں نے اس عزم کا اعادہ کیا کہ جنوبی پنجاب کے عوام کی فلاح و بہبود اور خطے کی پسماندگی کے خاتمے کے لیے ہر ممکن اقدامات کیے جائیں گے۔
قائم مقام صدر سے ایوانِ صدر میں حافظ حسین احمد مدنی اور نوابزادہ سردار رفیق عباسی نے علیحدہ علیحدہ ملاقاتیں کیں۔
یہ بھی پڑھیں: قائم مقام صدر یوسف رضا گیلانی سے سینیٹرز اور سیاسی شخصیات کی ملاقات
ملاقاتوں کے دوران جنوبی پنجاب سے متعلق امور، خطے کی ضروریات اور ترجیحات پر تفصیلی تبادلۂ خیال کیا گیا۔
یوسف رضا گیلانی نے گفتگو کرتے ہوئے کہا کہ جنوبی پنجاب ان کے دل کے بہت قریب ہے اور وہ طویل عرصے سے اس خطے کی ترقی اور عوامی مسائل کے حل کے لیے کوشاں ہیں۔
مزید پڑھیں: قائم مقام صدر کی مخیر حضرات اور عالمی اداروں سے سیلاب متاثرین کی فوری مدد کی اپیل
انہوں نے اس بات پر زور دیا کہ جنوبی پنجاب کو ترقی کے قومی دھارے میں شامل کیے بغیر ملک کی مجموعی پیش رفت ممکن نہیں۔
ملاقات میں آنے والوں نے پاکستان خصوصاً جنوبی پنجاب کے لیے یوسف رضا گیلانی کی خدمات کو سراہا۔
انہوں نے حالیہ سیلاب کے دوران بروقت اور مؤثر عوامی خدمت کے اقدامات پر بھی انہیں خراجِ تحسین پیش کیا اور امدادی و بحالی سرگرمیوں میں ان کے فعال کردار کی تعریف کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایوان صدر جنوبی پنجاب حافظ حسین احمد مدنی قائم مقام صدر نوابزادہ سردار رفیق عباسی یوسف رضا گیلانی.
ذریعہ
ذریعہ: WE News
کلیدی لفظ: ایوان صدر حافظ حسین احمد مدنی نوابزادہ سردار رفیق عباسی یوسف رضا گیلانی یوسف رضا گیلانی کہ جنوبی پنجاب کی ترقی کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا