علیمہ خان، عظمیٰ خان، فواد چوہدری کی عبوری ضمانت میں 13 فروری تک توسیع
اشاعت کی تاریخ: 16th, January 2026 GMT
لاہور: لاہور کی انسداد دہشتگردی عدالت نے نو مئی کے جلاؤ گھیراؤ کے مقدمات میں علیمہ خان، عظمیٰ خان، اعظم سواتی، فواد چوہدری سمیت دیگر کی عبوری ضمانتوں میں 13 فروری تک توسیع کر دی۔انسداد دہشتگردی کی خصوصی عدالت کے جج ارشد جاوید اور منظر علی گل نے سماعت کی. سابق وفاقی وزیر اسد عمر عبوری ضمانت کی میعاد ختم ہونے پر عدالت میں پیش ہوئے۔علیمہ خان، عظمیٰ خان اور فواد چوہدری کی جانب سے وکلاء نے حاضری معافی کی درخواستیں دائر کیں جنہیں عدالت نے منظور کر لیا، عدالت نے اعظم سواتی اور فواد چوہدری کی ایک روزہ حاضری معافی کی درخواستیں بھی منظور کیں۔دوران سماعت جمشید چیمہ، مسرت جمشید، شیخ امتیاز اور دیگر پیش ہوئے، عدالت نے آئندہ سماعت پر وکلاء کو دلائل کے لیے طلب کر لیا۔سابق وفاقی وزیر اسد عمر نے سماعت کے بعد میڈیا سے گفتگو میں کہا کہ پانچ مقدمات میں شاہ محمود قریشی بے گناہ ہیں.
ذریعہ
ذریعہ: Nawaiwaqt
کلیدی لفظ: فواد چوہدری عدالت نے
پڑھیں:
پنجاب بھر میں دفعہ 144 کے نفاذ میں توسیع
لاہور: پنجاب بھر میں دفعہ 144 کے نفاذ میں توسیع کردی گئی۔محکمہ داخلہ پنجاب کے مطابق صوبہ بھر میں کھلی فضا میں ڈرون اُڑانے پر مکمل پابندی برقرار ہے، دفعہ 144 کے تحت آؤٹ ڈور ڈرون اڑانے پر عائد پابندی میں 30 روز کی توسیع کر دی گئی ہے۔حکومت پنجاب نے یہ فیصلہ سکیورٹی خدشات کے پیشِ نظر کیا ہے۔اعلامیے میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، جبکہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔حکومتی ہدایت کے مطابق قانون نافذ کرنے والے ادارے اور انٹیلیجنس ایجنسیاں اس پابندی سے مستثنیٰ ہوں گی اور وہ اپنے فرائض کے مطابق ڈرون سمیت دیگر ٹیکنالوجی استعمال کر سکیں گی۔
وزارت آئی ٹی نے 1.67 ارب روپے سے زاید کے فنڈز طلب کرلیے