بجلی کا بل بھرنے والے صارف کی بجلی منقطع کرنے کیخلاف درخواست سماعت کیلئے منظور
اشاعت کی تاریخ: 16th, January 2026 GMT
---فائل فوٹو
سندھ ہائی کورٹ کے آئینی بینچ نے بجلی کا بل بھرنے والے صارف کا پورے علاقے کی بجلی منقطع کرنے کے خلاف درخواست سماعت کے لیے منظور کر لی۔
عدالت نے کےالیکٹرک، نیپرا اور دیگر فریقین سے 21 جنوری کو جواب طلب کر لیا۔
درخواست گزار کے وکیل نے عدالت کو بتایا کہ درخواست گزار اورنگی ٹاؤن نمبر 8 داتا نگر کا رہائشی اور کےالیکٹرک کا اسٹار کسٹمر ہے۔
درخواست گزار کے مطابق بل ادا کرنے کے باوجود علاقہ مکینوں کو غیر اعلانیہ لوڈشیڈنگ کا سامنا ہے، 13 جنوری کو کےالیکٹرک نے بغیر پیشگی نوٹس کے پورے علاقے کی بجلی بند کی، کےالیکٹرک نے ہائی لائن لاسز کا جواز بنا کر علاقے کا پی ایم ٹی منقطع کیا، نومبر 2025ء میں بھی اسی طرح علاقے کی بجلی منقطع کی گئی تھی۔
درخواست گزار نے عدالت سے استدعا کی ہے کہ کےالیکٹرک کے پورے علاقے کی بجلی منقطع کرنے کے اقدام کو غیرقانونی قرار اور نیپرا کو کےالیکٹرک کے خلاف کارروائی کا حکم دیا جائے۔
.
ذریعہ
ذریعہ: Jang News
کلیدی لفظ: کی بجلی منقطع علاقے کی بجلی درخواست گزار
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی