کراچی میں سوئی سدرن کا 48 گھنٹے کے لیے گیس کی فراہمی معطل کرنے کا اعلان
اشاعت کی تاریخ: 16th, January 2026 GMT
data-id="863a0a8" data-element_type="widget" data-widget_type="theme-post-content.default">
ملک کے مختلف علاقوں میں گیس کی شدید قلت اور کم پریشر کی شکایات میں اضافے کے بعد سوئی سدرن گیس کمپنی نے گھریلو صارفین کو ریلیف دینے کے لیے ہنگامی بنیادوں پر اقدامات کا اعلان کر دیا ہے، کمپنی نے رہائشی علاقوں میں گیس کی فراہمی بہتر بنانے کی غرض سے صنعتی صارفین اور سی این جی اسٹیشنز کی گیس عارضی طور پر بند کرنے کا فیصلہ کیا ہے۔
سوئی سدرن گیس کی جانب سے جاری بیان کے مطابق صنعتی صارفین اور سی این جی اسٹیشنز کو گیس کی سپلائی 17 جنوری صبح 8 بجے سے معطل کی جائے گی، جو پیر کی صبح 8 بجے تک بند رہے گی۔
کمپنی کا کہنا ہے کہ یہ اقدام ملک بھر میں سردی کی شدت کے باعث گھریلو گیس کی طلب میں غیر معمولی اضافے اور سسٹم پر بڑھتے ہوئے دباؤ کے پیش نظر کیا گیا ہے۔
ترجمان سوئی سدرن گیس کے مطابق سرد موسم کے دوران گھریلو صارفین کی ضروریات میں نمایاں اضافہ ہو جاتا ہے، جس کے باعث گیس نیٹ ورک کو متوازن رکھنا ایک بڑا چیلنج بن جاتا ہے۔
اسی صورتحال کو مدنظر رکھتے ہوئے ترجیحی بنیادوں پر گھریلو صارفین کو گیس کی بہتر فراہمی یقینی بنانے کے لیے صنعتی شعبے اور سی این جی اسٹیشنز کی سپلائی عارضی طور پر معطل کرنے کا فیصلہ کیا گیا ہے۔
کمپنی حکام کا کہنا ہے کہ اس فیصلے کے نتیجے میں رہائشی علاقوں میں گیس پریشر میں واضح بہتری آنے کی توقع ہے، جس سے شہریوں کو کھانا پکانے اور دیگر روزمرہ گھریلو ضروریات کے لیے نسبتاً بہتر گیس سپلائی میسر آ سکے گی۔
سوئی سدرن گیس نے صنعتی صارفین اور سی این جی اسٹیشنز سے تعاون کی اپیل کرتے ہوئے یقین دہانی کرائی ہے کہ مقررہ مدت مکمل ہوتے ہی گیس کی فراہمی بحال کر دی جائے گی۔
اس کے ساتھ ہی شہریوں کو ہدایت کی گئی ہے کہ وہ گیس کے محتاط اور ذمہ دارانہ استعمال کو یقینی بنائیں تاکہ محدود وسائل کے باوجود زیادہ سے زیادہ صارفین کو سہولت فراہم کی جا سکے اور نظام پر غیر ضروری دباؤ سے بچا جا سکے۔
ذریعہ
ذریعہ: Jasarat News
کلیدی لفظ: اور سی این جی اسٹیشنز سوئی سدرن گیس گیس کی کے لیے
پڑھیں:
میئر ظہران ممدانی نے نیویارک میں بچوں کا بیڈ ٹائم کیوں معطل کردیا؟
نیویارک شہر کے کم عمر باسکٹ بال شائقین کے لیے ’بیڈ ٹائم‘ سے متعلق ایک دلچسپ خبر سامنے آئی ہے۔
نیویارک کے میئر ظہران ممدانی نے ایک خصوصی انتظامی حکم نامے پر دستخط کرتے ہوئے اعلان کیا ہے کہ این بی اے فائنلز کے دوران بچوں کے سونے کے معمول کے اوقات عارضی طور پر منسوخ تصور کیے جائیں گے تاکہ وہ اپنی پسندیدہ ٹیم نیویارک نکس کے تمام میچز بلا رکاوٹ دیکھ سکیں۔
یہ بھی پڑھیں: نماز عیدالاضحیٰ: نیویارک کے میئر ظہران ممدانی کی منفرد انداز میں شرکت
یکم جون کو جاری کیے گئے اس علامتی حکم نامے میں کہا گیا کہ سونے کے اوقات ’نیویارک کے سب سے پیارے بچوں‘ کو نکس کی حوصلہ افزائی کرنے اور میچ کا ایک ایک لمحہ دیکھنے سے نہیں روک سکتے۔
اس موقع پر میئر ممدانی کے ساتھ نکس کے رنگوں میں ملبوس بچوں کا ایک گروپ بھی موجود تھا، جنہوں نے اپنے ہاتھوں کے نشانات لگا کر علامتی طور پر اس حکم نامے پر دستخط کیے۔
Today, I signed an Executive Order temporarily repealing bedtimes in the City of New York so that kids of all ages can watch our team in the NBA Finals.
As Mayor, you’re forced to make many difficult decisions. This was not one of them.
Go Knicks. pic.twitter.com/DqjNtVh17h
— Mayor Zohran Kwame Mamdani (@NYCMayor) June 1, 2026
میئر ممدانی نے سوشل میڈیا پلیٹ فارم ایکس پر اپنے پیغام میں کہا کہ میئر کی حیثیت سے آپ کو کئی مشکل فیصلے کرنے پڑتے ہیں، لیکن یہ ان میں سے ایک نہیں تھا۔
انہوں نے اپنی پوسٹ کے اختتام پر ’گو نکس‘ کا نعرہ بھی لگایا۔
این بی اے فائنلز میں نیویارک نکس اور سان انتونیو اسپرس کے درمیان تمام میچز رات ساڑھے 8 بجے (مشرقی امریکی وقت) شروع ہوں گے۔
سیریز کے پہلے، تیسرے اور چوتھے میچ تعلیمی دنوں سے قبل رات کو کھیلے جائیں گے، جبکہ اگر ضرورت پڑی تو چھٹا میچ بھی اسکول کی رات میں ہوگا۔
ایسے میں بچوں کے لیے دیر تک جاگ کر میچ دیکھنا ایک اہم مسئلہ بن سکتا تھا۔
مزید پڑھیں: ظہران ممدانی کی نیو یارک میں اسٹیٹ ٹیکس میں بڑی کمی کی تجویز
نیویارک نکس کی این بی اے فائنلز میں رسائی شہر بھر میں غیرمعمولی جوش و خروش کا باعث بنی ہوئی ہے۔
یہ 1999 کے بعد پہلی مرتبہ ہے کہ نکس فائنلز میں پہنچی ہے، آخری بار فائنلز میں انہیں ٹم ڈنکن اور ڈیوڈ رابنسن کی قیادت میں سان انتونیو اسپرس نے شکست دی تھی۔
نکس کی 27 سالہ طویل انتظار کے بعد فائنلز میں واپسی نے باسکٹ بال کے دیوانے نیویارک شہر کو یکجا کر دیا ہے۔
اسپورٹس تجزیہ کاروں کے مطابق نیویارک میں نکس کا فائنلز میں پہنچنا سپر باؤل سے بھی بڑا واقعہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باسکٹ بال سان انتونیو اسپرس ظہران ممدانی میئر نیویارک نیویارک نکس
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ