بلاول بھٹو کی تقریرمضحکہ خیز و حقائق کے منافی تھی،ایم کیوایم پاکستان
اشاعت کی تاریخ: 16th, January 2026 GMT
کراچی :(نیوزڈیسک) ایم کیوایم پاکستان نے بلاول بھٹو کی تقریر کو مضحکہ خیز اور حقائق کے منافی قرار دے دیا۔
شہرِ قائد سے جاری ہونے والے بیان میں ایم کیو ایم پاکستان کے رہنماؤں کا کہنا تھا کہ سندھ سرکارکی نااہلیوں، بدعنوانیوں کو بلاول بھٹو سیکڑوں پریزینٹیشن سے بھی دھو نہیں سکتے، اُن کی تقریر سوشل میڈیا کانٹینٹ کریئٹر جیسی جبکہ زمینی حقائق اس کے برعکس ہیں، تقریر کا سکرپٹ سندھ حکومت کی ارادی نااہلی چھپانےمیں ناکام رہا۔
اُنہوں نے کہا کہ ہیلی کاپٹر سے گٹر کا پانی بھی جھیل نظرآتا ہے، زمینی حقائق مختلف ہیں، سندھ میں بنیادی انسانی ضروریات کا فقدان پسماندہ طرزِحکمرانی کا ثبوت ہے، سندھ کی کرپٹ سرکار نے کراچی کو دنیا کے بدترین شہروں کی صف میں لاکھڑا کیا ہے۔
ایم کیوایم پاکستان کا کہنا تھا کہ بلاول بھٹو نے اپنی تقریر میں کہا کہ شہروں اوردیہات میں بنیادی ڈھانچے، صاف پانی، تعلیم اور صحت کی صورتحال ابتر ہے، سترہ برس نہیں، پانچ دہائیوں کی حکمرانی کا سچ عوام کے سامنے لایا جائے، پیپلز پارٹی کی سیاست گمراہ کن تفریق اور عوامی حقوق سلب کرنے پر مبنی ہے۔
رہنماؤں کا مزید کہنا تھا کہ لسانیت اور موروثی سیاست کے بانی کس منہ سے جمہوریت کی بات کر رہے ہیں؟ ترقیاتی دعوؤں کے بجائے حقیقی عوامی فلاح پر توجہ دی جائے۔
.
ذریعہ
ذریعہ: Daily Mumtaz
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا