ناکام پالیسی پر سوال اٹھانا جرم بن چکا ہے، وزیراعلیٰ خیبر پختونخوا
اشاعت کی تاریخ: 16th, January 2026 GMT
پشاور: وزیراعلیٰ خیبرپختونخوا محمد سہیل آفریدی نے کہا ہے کہ 22 بڑے اور 14 ہزار سے زائد چھوٹے آپریشنز کے باوجود اگر امن قائم نہیں ہو سکا تو اب یہ سوال اٹھانا بنتا ہے کہ مزید آپریشنز سے امن کی کیا ضمانت ہے۔
وزیراعلیٰ خیبرپختونخوا نے وادی تیرہ کا دورہ کیا جہاں انہوں نے آپریشن سے متاثرہ عوام سے ملاقات کی اور ان کے مسائل سنے، سُہیل خان آفریدی نے کہا کہ جب ناکام پالیسیوں کی تبدیلی کا مطالبہ کیا جاتا ہے تو ہمیں دہشت گردوں کا حامی کہا جاتا ہے اور مشاورت کی بات کریں تو اسمگلروں سے تعلقات کے الزامات لگا دیے جاتے ہیں، تیرہ کے عوام کے ساتھ جو کچھ ہو رہا ہے وہ ناقابل قبول ہے، بار بار ناکامی کے باوجود بند کمروں میں فیصلے کیے جا رہے ہیں اور عوام کو اعتماد میں نہیں لیا جا رہا۔
انہوں نے کہا کہ میری اور میری قوم کی آواز دبانے کی کوشش کی جا رہی ہے کیونکہ ہمیں اپنے عوام کے دکھ درد کا احساس ہے، ان پالیسیوں کی مخالفت کی وجہ سے مجھے اور میرے لوگوں کو نشانہ بنایا جا رہا ہے اور میری سرزمین کو نقصان پہنچایا جا رہا ہے۔
سہیل آفریدی نے کہا کہ ان کی حکومت نے پہلے دن سے امن کے لیے آواز بلند کی ہے۔ ہم ماضی میں بھی ان ناکام آپریشنز کے خلاف تھے، آج بھی ہیں اور آئندہ بھی ایسی پالیسیوں کا حصہ نہیں بنیں گے جو عوام کے لیے تباہی اور بے گھری کا باعث بنیں۔
وزیراعلیٰ نے متاثرین سے خطاب کرتے ہوئے کہا کہ میں آپ میں سے ہوں اور مرتے دم تک پہاڑ کی طرح آپ کے ساتھ کھڑا رہوں گا۔ زور زبردستی اور بدمعاشی کے ذریعے آپریشن شروع کیا گیا، عوام کو پہلے اعلان کر کے خوف اور تکلیف میں مبتلا کیا گیا اور پھر انہیں بے سہارا چھوڑ دیا گیا۔
انہوں نے واضح کیا کہ متاثرہ عوام کی عزت، تحفظ اور بحالی اب ان کی براہ راست ذمہ داری ہے اور تیرہ متاثرین کے مسائل میں کسی بھی قسم کی غفلت برداشت نہیں کی جائے گی۔ وزیراعلیٰ نے تمام متعلقہ محکموں کو ہدایت دی کہ متاثرین کی مشکلات فوری کم کی جائیں اور جگہ جگہ لوگوں کو روکنے اور قطاروں میں ذلیل کرنے کا سلسلہ فوری بند کیا جائے۔
انہوں نے رجسٹریشن کے عمل کو تیز کرنے کے لیے نادرا کے مزید دفاتر ہنگامی بنیادوں پر قائم کرنے کی ہدایت دیتے ہوئے کہا کہ عوام سے وعدہ ہے کہ ہم بندوق کو قلم سے بدلیں گے، مستقل اور پائیدار امن صرف اسی صورت ممکن ہے جب تمام اسٹیک ہولڈرز کو ساتھ بٹھا کر متفقہ پالیسی بنائی جائے۔
.
ذریعہ
ذریعہ: Al Qamar Online
کلیدی لفظ: پاکستان کھیل انہوں نے کہا کہ نے کہا
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار