سامیہ سلوہو حسن، پہلی مسلم افریقی خاتون سربراہ
اشاعت کی تاریخ: 17th, January 2026 GMT
data-id="863a0a8" data-element_type="widget" data-widget_type="theme-post-content.default">
260117-03-3
امیر محمد کلوڑ
۔27 جنوری 1960، ایک استاد کے گھر ایک بیٹی نے دنیا میں قدم رکھا جو بعد میں سات کروڑ سے زائد آبادی والے افریقا کے پانچویں بڑے ملک، متحدہ جمہوریہ تنزانیہ کی صدارت پر فائز ہوئیں یہ وہ ملک ہے جہاں زیادہ تر لوگ عیسائیت سے تعلق رکھتے ہیں اور تقریباً سوا دو کروڑ مسلمان آباد ہیں۔ لیکن اس ملک کی قیادت مسلم خاتون سامیہ سلوہو حسن کر رہی ہیں، جو 2021 سے صدر کے عہدے پر فائز ہیں۔ وہ ایک فعال مسلمان ہیں اور صدر بننے کے موقع پر حلف برداری میں اسکارف پہن کر اسلامی شناخت کا عملی اظہار کیا۔ سامیہ سلوہو حسن ذاتی زندگی میں نماز، روزہ اور اسلامی اخلاقی اصولوں کی پابند ہیں۔ میڈیا رپورٹوں اور انٹرویوز کے مطابق وہ دعائیہ اور روحانی سرگرمیوں میں بھرپور حصہ لیتی ہیں، خاص طور پر ملک کی قیادت اور اہم فیصلوں کے وقت۔ وہ تنزانیہ کی پہلی خاتون صدر ہونے کے علاوہ تنزانیہ میں پیدا ہونے والی پہلی صدر بھی ہیں۔ یہ ان کے ملکی اور مقامی شناخت کو مزید مضبوط بناتا ہے اور عوامی تعلق میں ایک خاص اہمیت رکھتا ہے۔
صدر جان ماگوفولی کا انتقال 2021 میں دل کی پیچیدگیوں کے باعث ہوا تھا، تنزانیہ کے آئینی آرٹیکل 37 (5) کے مطابق نائب صدر سامیہ سلوہو حسن نے صدر کے عہدے کا حلف اٹھایا وہ 2021 سے 2025 تک پہلی مدت میں صدر رہیں۔ پھر انہوں نے اکتوبر 2025 کے باقاعدہ الیکشن میں حصہ لیا اور دوبارہ منتخب ہوئیں اور وہ اب 2030 تک اس عہدے پر براجمان رہیں گی۔ ان میں اور ہمارے پاکستان کے سابق صدر مملکت میں ایک چیز مشترکہ تھی حالانکہ ’’دو مختلف براعظم، دو مختلف کہانیاں، مگر ایک شاندار اتفاق: صدر پاکستان غلام اسحاق خان اور صدر تنزانیہ سامیہ سلوہو حسن، دونوں نے اپنی پیشہ ورانہ زندگی کا آغاز محض ایک کلرک کے طور پر کیا، اور پھر ملک کے سب سے بڑے اور اہم عہدے پر پہنچے‘‘۔ افریقا میں کوئی مسلمان خاتون کبھی اتنے بڑے عہدے پر فائز نہیں رہیں۔ ان کی صدارت نہ صرف تاریخی بلکہ امید افزا لمحہ ہے۔ آج کل چینی وزیر خارجہ وانگ یی نے تنزانیہ کا سرکاری دورہ کیا ہے۔ 9 جنوری 2026 سے 10 جنوری 2026 تک دو روزہ دورہ ڈوڈوما؍ دارالسلام میں ہوا، جہاں انہوں نے صدر سامیہ سلوہو حسن سے ملاقات کی۔ اس دورے میں وانگ یی نے چین کے صدر شی جن پنگ کے پیغام؍ سلام بھی صدر سامیہ حسن کے سامنے پیش کیے۔
دارالسلام، تنزانیہ کا سب سے بڑا شہر اور تجارتی مرکز ہے۔ دار السلام کو 1860 کی دہائی میں عرب تاجروں نے قائم کیا۔ نام عربی میں ’’دار السلام‘‘ امن کا گھر رکھا گیا۔ 1890 میں جرمن ایسٹ افریقا نے دارالسلام پر قبضہ کیا۔ جرمنوں نے شہر کو جدید بندرگاہ اور انتظامی مرکز میں تبدیل کیا۔ اس دور میں سڑکیں، ریلوے اور بندرگاہیں بنیں، جس سے شہر تیزی سے ترقی کرنے لگا۔ آج بھی تجارت اور امن کے جادو سے بھرا ہوا ہے۔ یہاں کی مسلمانوں کی آبادی تقریباً 35 لاکھ کے لگ بھگ ہے جو اقتصادی اور تجارتی سرگرمیوں میں چھائی ہوئی ہے۔ شہر کی بندرگاہ افریقا کی سب سے بڑی تجارتی بندرگاہوں میں سے ایک ہے۔ سامیہ حسن کی قیادت میں تنزانیہ نے معاشی، تجارتی اور بین الاقوامی تعلقات میں حیرت انگیز ترقی کی ہے۔ مسلمان کاروباری، جو دارالسلام اور ساحلی علاقوں میں سرگرم ہیں، تجارت، زرعی پیداوار اور سروس سیکٹر میں کلیدی کردار ادا کر رہے ہیں۔ چین کے وزیر خارجہ کا دورہ اس بات کی تصدیق ہے کہ تنزانیہ اب عالمی تجارتی اور سیاسی منظرنامے پر ایک مضبوط اور فعال کھلاڑی کے طور پر ابھرا ہے۔
سامیہ حسن کی قیادت نہ صرف تنزانیہ بلکہ مسلم دنیا اور افریقا میں خواتین کے لیے ایک مثال ہے۔ ان کی صدارت نے یہ ثابت کیا کہ مذہب یا جنس کسی بھی شخص کی قیادت کے راستے میں رکاوٹ نہیں بن سکتے۔ دنیا دیکھ رہی ہے کہ ایک مسلم خاتون کس طرح ایک ملک کی سیاسی اور اقتصادی تقدیر بدل رہی ہے اور کس طرح عالمی تعلقات اور ملکی ترقی میں فعال کردار ادا کر رہی ہیں۔ سامیہ سلوہو حسن کی صدارت میں تنزانیہ ایک ایسے دور سے گزر رہا ہے جو تاریخی، اقتصادی اور سیاسی اہمیت کے حامل ہے۔ ان کی حکومت نے میڈیا اور سیاسی مکالمے پر سے پابندیاں ہٹانے کی کوششیں کی ہیں، جس سے تنزانیہ میں سیاسی ماحول کچھ کھلا محسوس ہوتا ہے۔ انہوں نے شفافیت اور احتساب کو فروغ دینے پر زور دیا ہے۔ انہوں نے انفرا اسٹرکچر کے منصوبوں، خاص طور پر ریلوے اور سڑکوں کی تعمیر پر توجہ دی ہے۔ زراعت، سیاحت اور صنعت جیسے شعبوں میں ترقی کو فروغ دینے کی کوششیں جاری ہیں۔ انہوں نے تعلیمی نظام کو بہتر بنانے اور اساتذہ کی تربیت پر توجہ مرکوز کی ہے۔ ان کے دورِ صدارت میں تنزانیہ کے عالمی تعلقات اور داخلی ترقی کا عمل مزید مضبوط ہو رہا ہے اور چین کے تنزانیہ عالمی سطح پر مستحکم، فعال اور ترقی پذیر ملک کے طور پر اپنی شناخت قائم کر رہا ہے۔
ذریعہ
ذریعہ: Jasarat News
کلیدی لفظ: کی قیادت کی صدارت انہوں نے
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
بھارت سے جنگ اور افغانستان میں کارروائی خارج ازامکان نہیں، وزیردفاع