کمانڈر لاہور کور کی نیشنل ورکشاپ(خیبرپختونخواہ) کے شرکاء کے ساتھ خصوصی نشست
اشاعت کی تاریخ: 17th, January 2026 GMT
لاہور(نیوز ڈیسک) خیبرپختونخواہ میں جاری نیشنل ورکشاپ کے شرکاء کی لاہور آمد کے موقع پر کمانڈر لاہور کور کے ساتھ خصوصی نشست منعقد ہوئی۔ ملاقات خوشگوار اور سنجیدہ ماحول میں ہوئی جس میں قومی سلامتی، دہشت گردی کے خلاف جدوجہد اور خطے کی موجودہ صورتحال پر تبادلۂ خیال کیا گیا۔
اس موقع پر کور کمانڈر لاہور نے کہا کہ پاک فوج گزشتہ دو دہائیوں سے زائد عرصے سے خیبرپختونخواہ میں دہشت گردی کے خلاف برسرِ پیکار ہے اور اس جدوجہد میں عوام کی بھرپور حمایت فیصلہ کن ثابت ہوئی ہے۔ ان کا کہنا تھا کہ پاک فوج فتنہ الخوارج اور فتنہ الہندوستان کے سامنے سیسہ پلائی دیوار بن کر کھڑی رہی ہے اور دشمن کے تمام عزائم کو ناکام بنایا ہے۔
کور کمانڈر نے خیبرپختونخواہ کے عوام کو خراجِ تحسین پیش کرتے ہوئے کہا کہ صوبے کی غیور عوام دشمن کے سامنے ایک بہت بڑی طاقت ہیں اور ریاست کے شانہ بشانہ کھڑی ہیں۔ انہوں نے کہا کہ آپریشن بنیان المرصوص اور معرکۂ حق کی کامیابی کے بعد آج پاکستان دنیا میں ایک مختلف اور مضبوط پہچان کے ساتھ سامنے آیا ہے۔
نیشنل ورکشاپ کے شرکاء نے کور کمانڈر لاہور کی جانب سے عزت افزائی اور پرتپاک استقبال پر شکریہ ادا کیا۔ شرکاء کا کہنا تھا کہ خیبرپختونخواہ کی عوام بھارت کو منہ توڑ جواب دینے پر پاک فوج کو خراجِ تحسین پیش کرتی ہیں اور ملکی دفاع کے لیے افواجِ پاکستان کے کردار پر فخر کرتی ہیں۔
ملاقات کے اختتام پر قومی یکجہتی، باہمی اعتماد اور ملک کے روشن مستقبل کے عزم کا اعادہ کیا گیا۔
.
ذریعہ
ذریعہ: Daily Mumtaz
کلیدی لفظ: کمانڈر لاہور
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ