ساف فٹسال چیمپئن شپ: پاکستان کی شاندار واپسی، بھوٹان کو 2-4 سے شکست
اشاعت کی تاریخ: 17th, January 2026 GMT
تھائی لینڈ میں جاری ساؤتھ ایشین فٹبال فیڈریشن فٹسال چیمپیئن شپ میں پاکستان کی فٹسال میں پیش رفت کا سلسلہ جاری ہے، جہاں مردوں کی ٹیم نے جمعے کے روز اپنی تاریخ کی پہلی بین الاقوامی فتح حاصل کر لی۔
یہ کامیابی خواتین ٹیم کی جانب سے ایک روز قبل پاکستان کی پہلی فٹسال جیت کے بعد سامنے آئی۔
یہ بھی پڑھیں: سیف ویمنز فٹسال چیمپیئن شپ 2026، بنگلہ دیش نے بھارت کو آؤٹ کلاس کردیا
مردوں کے مقابلوں میں پاکستان نے بنکاک کے ہوا مارک انڈور ایرینا میں بھوٹان کو 2-4 سے شکست دی، میچ میں پاکستان ابتدا میں 0-2 سے پیچھے تھا، تاہم شاندار کم بیک کرتے ہوئے اپنی پہلی بین الاقوامی فٹسال فتح درج کی۔
بھوٹان کے دوا شیرنگ نے میچ کے آغاز میں 2 تیز رفتار گول کر کے اپنی ٹیم کو برتری دلائی، مگر 28ویں منٹ میں حسن ظفر نے گول کر کے خسارہ کم کیا۔
Azwa Chaudhry scripting ???????? Pakistan's first ever win in international futsal, men's or women's.
A fine hat-trick vs ???????? Sri Lanka at the Hua Mak Indoor Stadium in Bangkok, Thailand #FutsalSAFF2026 #PakistanFutsal
Video via SportzWorkz pic.twitter.com/f9ZSvzonI0
— FootballPakistan.com (@FootballPak) January 15, 2026
32ویں منٹ میں آصف احمد چوہدری نے مقابلہ برابر کر دیا، جبکہ عدنان اشفاق نے 34ویں اور 35ویں منٹ میں لگاتار 2 گول داغ کر پاکستان کی فتح یقینی بنا دی۔
اس میچ میں پاکستان کی ابتدائی 5 رکنی ٹیم میں طاہر خان، حسن ظفر، حمزہ نصرت، نثار حسین اور سالار خان شامل تھے۔
متبادل کھلاڑیوں میں عبد الودود، حمزہ خان، آصف احمد، عدنان اشفاق، علی آغا، عبد الحنان، زید خان، محمد الہام اور رجب علی شامل تھے۔
مزید پڑھیں: سیف ویمنز فٹسال چیمپیئن شپ 2026، بنگلہ دیش نے بھارت کو آؤٹ کلاس کردیا
پاکستان نے ٹورنامنٹ کے اپنے پہلے میچ میں مالدیپ کے خلاف 1-7 سے شکست کھائی تھی۔
خواتین کے مقابلوں میں پاکستان نے جمعرات کے روز سری لنکا کو 2-3 سے شکست دی،
جہاں عذویٰ چوہدری نے ہیٹ ٹرک اسکور کر کے پاکستان کی خواتین فٹسال ٹیم کو تاریخ کی پہلی بین الاقوامی فتح دلوائی۔
ان تاریخی نتائج پر ردِعمل دیتے ہوئے پاکستان فٹبال فیڈریشن (پی ایف ایف) نے انسٹاگرام پر کہا کہ پاکستان کی مردوں اور خواتین فٹسال ٹیموں نے ساف فٹسال 2026 میں اپنی پہلی بین الاقوامی فتوحات حاصل کر کے تاریخ رقم کی ہے۔
پی ایف ایف کے مطابق یہ کامیابیاں ملک میں فٹسال انفراسٹرکچر کی کمی اور مختلف چیلنجز کے باوجود حاصل کی گئیں۔
فیڈریشن نے واضح کیا کہ خواتین ٹیم نے سری لنکا کو 2-3 سے شکست دی، جبکہ مردوں کی ٹیم نے کم بیک کرتے ہوئے بھوٹان کو 2-4 سے ہرایا۔
مزید پڑھیں: بلوچستان کا روشن چہرہ، فیفا فٹنس ٹیسٹ پاس کرنے والی سونیا مصطفیٰ کون ہیں؟
پی ایف ایف کے صدر محسن گیلانی نے اس کامیابی کا سہرا کھلاڑیوں اور کوچز کی محنت اور استقامت کو دیتے ہوئے کہا کہ انہوں نے تاریخ رقم کی ہے۔
’ہم اسی بنیاد پر فٹسال کو مزید بلندیوں تک لے جائیں گے اور پاکستان کو فٹسال میں ایک مضبوط قوت بنائیں گے۔‘
فیڈریشن نے یہ بھی بتایا کہ ساف چیمپئن شپ کے دوران پاکستان سے تعلق رکھنے والے ریفریز اور کوچز نے فٹسال کے کورسز مکمل کیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف احمد چوہدری بھوٹان خواتین فٹسال ٹیم فٹسال گول مالدیپ
ذریعہ
ذریعہ: WE News
کلیدی لفظ: آصف احمد چوہدری بھوٹان خواتین فٹسال ٹیم فٹسال گول مالدیپ پہلی بین الاقوامی میں پاکستان پاکستان کی
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ