پنجاب سیف سٹیز اتھارٹی کا جعلی اور کلون نمبر پلیٹس کے خلاف کریک ڈاؤن
اشاعت کی تاریخ: 17th, January 2026 GMT
علی ساہی: پنجاب سیف سٹیز اتھارٹی نے صوبے بھر میں جعلی اور کلون نمبر پلیٹس والی گاڑیوں کے خلاف بڑا کریک ڈاؤن شروع کر دیا ہے۔
سیف سٹی کے جدید اے آئی بیسڈ کیمروں کی مدد سے مشکوک اور ٹیمپرڈ نمبر پلیٹس والی گاڑیاں فوری شناخت کی جا رہی ہیں۔
اطلاعات کے مطابق اے آئی سسٹم کے ذریعے جعلی نمبر پلیٹس والی گاڑیوں کو ٹریس کیا جا رہا ہے اور ڈرائیورز کے خلاف قانونی کارروائی کے لیے مقدمات درج کیے جا رہے ہیں۔ سیف سٹی کے کیمروں میں مشکوک نمبر پلیٹ نظر آتے ہی خودکار الرٹ جاری کیا جاتا ہے، جس کے بعد ورچوئل پٹرولنگ آفیسرز الرٹ وصول کرتے ہی قریبی پولیس فورس کو تفصیلات فراہم کر دیتے ہیں۔
خیرپور ؛ خسرہ کی وبا بے قابو ، 3 ننھے پھول مرجھاگئے
سیف سٹیز اتھارٹی کے ترجمان نے بتایا کہ جعلی نمبر پلیٹس استعمال کرنے والوں کے خلاف دفعہ 420 کے تحت مقدمات درج کیے جائیں گے، جبکہ موٹر وہیکل آرڈیننس 1965 کے مطابق بھی کارروائی کی جا رہی ہے۔ انہوں نے واضح کیا کہ نمبر پلیٹ میں تبدیلی یا ٹیمپرنگ سے ای چالان سے بچا جا سکتا ہے، لیکن یہ ایف آئی آر کا باعث بن سکتی ہے۔
ترجمان نے مزید کہا کہ نمبر پلیٹ میں رد و بدل ایک سنگین جرم ہے اور خلاف ورزی کی صورت میں سخت قانونی کارروائی کی جائے گی۔ عوام سے اپیل کی گئی ہے کہ وہ کسی بھی غیر قانونی یا مشکوک نمبر پلیٹس کے استعمال سے گریز کریں تاکہ قانونی مشکلات کا سامنا نہ کرنا پڑے۔
اپنی ہی 2 بیٹیوں کے ساتھ زیادتی، بدبخت باپ نے اعترافِ جرم کرلیا
ذریعہ
ذریعہ: City 42
کلیدی لفظ: نمبر پلیٹس کے خلاف
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع