8 ماہ میں امریکا میں ایک بھی غیر قانونی داخلہ نہیں ہوا، صدر ٹرمپ کا دعویٰ
اشاعت کی تاریخ: 17th, January 2026 GMT
data-id="863a0a8" data-element_type="widget" data-widget_type="theme-post-content.default">
امریکی صدر ڈونلڈ ٹرمپ نے کہا ہے کہ گزشتہ 8 ماہ کے دوران امریکا میں کوئی غیر قانونی طور پر داخل نہیں ہو سکا۔
پام بیچ میں ایک تقریب سے خطاب کرتے ہوئے انہوں نے دعویٰ کیا کہ ان کی انتظامیہ نے غیر قانونی تارکین وطن کی آمد کو مکمل طور پر روک دیا ہے۔
صدر ٹرمپ کا کہنا تھا کہ ایک سال قبل امریکی معیشت جمود کا شکار تھی، تاہم اب ملک میں اربوں ڈالر کی سرمایہ کاری ہو رہی ہے۔ ایران سے متعلق گفتگو کرتے ہوئے انہوں نے کہا کہ ایران کی جوہری افزودگی کی صلاحیت ختم کر دی گئی ہے۔
خطاب کے دوران صدر ٹرمپ نے ایک بار پھر پاک بھارت سمیت 8 جنگیں رکوانے کا ذکر کیا اور کہا کہ انہوں نے ان تنازعات کو روک کر کروڑوں جانیں بچائیں۔ ان کے مطابق پاکستانی وزیراعظم کی جانب سے ان کی تعریف کو وہ اپنے لیے اعزاز سمجھتے ہیں۔
.
ذریعہ
ذریعہ: Jasarat News
پڑھیں:
سعودی توانائی معاہدہ ابراہیمی معاہدوں سے مشروط، وائٹ ہاؤس نے ٹرمپ کا مؤقف دہرا دیا
نیوز بریفنگ کے دوران وائٹ ہاؤس کی ترجمان کا کہنا تھا کہ امریکی صدر کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ اسلام ٹائمز۔ وائٹ ہاؤس کی ترجمان کیرولین لیویٹ نے کہا ہے کہ امریکا اور سعودی عرب کے درمیان مجوزہ توانائی اور سول جوہری تعاون کا معاہدہ سعودی عرب کی ابراہیمی معاہدوں میں شمولیت سے مشروط ہے۔ نیوز بریفنگ کے دوران کیرولین لیویٹ نے بتایا کہ صدر ڈونلڈ ٹرمپ کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ انہوں نے کہا کہ صدر ٹرمپ ماضی میں بھی سعودی عرب کے ساتھ مختلف معاہدوں کے حوالے سے بات چیت کر چکے ہیں اور وہ چاہتے ہیں کہ سعودی عرب ابراہیم اکارڈز پر دستخط کرے۔
وائٹ ہاؤس کی ترجمان نے ایک سوال کے جواب میں کہا کہ صدر ٹرمپ اور چینی صدر شی جن پنگ کے درمیان متوقع ملاقات میں مصنوعی ذہانت (اے آئی) ٹیکنالوجی کی مبینہ چوری کا معاملہ بھی زیرِ بحث آنے کا امکان ہے۔ کیرولین لیویٹ نے اس بات کا اعادہ کیا کہ امریکا سعودی عرب کے ساتھ توانائی اور سول جوہری تعاون سے متعلق مذاکرات جاری رکھے گا، تاہم کسی بھی حتمی معاہدے کے لیے متعلقہ شرائط پوری ہونا ضروری ہوں گی۔
بھارت سے جنگ اور افغانستان میں کارروائی خارج ازامکان نہیں، وزیردفاع