عدلیہ مخالف پروپیگنڈا کے خلاف دائر درخواست پر تحریری حکم جاری
اشاعت کی تاریخ: 17th, January 2026 GMT
لاہور(ویب ڈیسک) لاہور ہائیکورٹ نے اعلیٰ عدلیہ کے خلاف سوشل میڈیا پر منفی پروپیگنڈا کے خلاف دائر درخواست پر تحریری حکم جاری کر دیا۔
جسٹس علی ضیاء باجوہ نے گزشتہ سماعت کا تحریری حکم جاری کرتے ہوئے کہا کہ قانون نافذ کرنے والے ادارے عدلیہ کے خلاف منفی مہم اور عوام میں عدلیہ کا اعتمادن کم کرنے کا باعث بننے والے افراد کے خلاف کارروائی کریں۔
تحریری حکم میں واضح کیا گیا ہے کہ یہ کارروائی جائز تنقید کو خاموش کرانے کے لیے نہیں بلکہ ادارے کی تکریم اور خودمختاری کے تحفظ کے لیے ہے۔
عدالت نے کہا کہ تمام اداروں کی طرح عدلیہ بھی جائز تنقید کے معاملے پر کھلی سوچ رکھتی ہے اور عدالتی فیصلوں پر علمی، پیشہ ورانہ اور عوامی سطح پر تنقید کی جا سکتی ہے۔
عدالت کے مطابق تنقید نیک نیتی، شائستہ زبان اور فیصلے کی قانونی وجوہات تک محدود ہونی چاہیے تاہم عدلیہ کے خلاف بدنیتی پر مبنی مہم اور کردار کشی قابلِ قبول نہیں۔
تحریری حکم میں کہا گیا کہ حدود سے تجاوز کرتے ہوئے کسی جج پر جانبداری یا بددیانتی کے الزامات لگانا درست نہیں اور ایسی تنقید جو نظامِ انصاف پر عوامی اعتماد کو کمزور کرے، اس کے قانونی نتائج مرتب ہوتے ہیں۔
لاہور ہائیکورٹ نے مزید کہا کہ آئین کا آرٹیکل 19 اے آزادیٔ اظہار کا حق ضرور دیتا ہے مگر یہ حق غیر مشروط نہیں ہے اور آزادیٔ اظہار کو قانون کے تحت عائد پابندیوں کا پابند بنایا گیا ہے، ایسا اظہارِ رائے قابلِ قبول نہیں جو اسلام کی عظمت، پاکستان کی سالمیت، دفاع یا اخلاقیات کے خلاف ہو۔
دورانِ سماعت ڈی جی این سی سی آئی اے نے عدالت کو آگاہ کیا کہ عدلیہ کے خلاف منفی پروپیگنڈا کرنے والے افراد کی شناخت کر لی گئی ہے اور اس معاملے کو انتہائی سنجیدگی سے دیکھا جا رہا ہے۔
عدالت نے درخواست پر مزید کارروائی 22 جنوری کو کرنے کا حکم دیا ہے۔
.
ذریعہ
ذریعہ: Daily Mumtaz
کلیدی لفظ: عدلیہ کے خلاف
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا