محسن نقوی نے پی ایس ایل کھلاڑیوں کے معاوضوں میں اضافے کی بھرپور حمایت کر دی
اشاعت کی تاریخ: 17th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور:چیئرمین پاکستان کرکٹ بورڈ (پی سی بی) محسن نقوی نے پاکستان سپر لیگ (پی ایس ایل) کے گورننگ کونسل اجلاس میں کھلاڑیوں کے معاوضوں میں اضافے کی بھرپور حمایت کردی۔
نجی ٹی وی کی رپورٹ کے مطابق لاہور میں منعقدہ پاکستان سپر لیگ کی گورننگ کونسل کے اہم اجلاس میں پاکستان کرکٹ بورڈ کے چیئرمین محسن نقوی نے کھلاڑیوں کے معاوضوں میں اضافے کی بھرپور حمایت کرتے ہوئے واضح مؤقف اختیار کیا کہ پی ایس ایل کی بڑھتی ہوئی مقبولیت اور ٹیموں کی مارکیٹ ویلیو میں اضافے کے بعد اب کھلاڑیوں کو بھی اس ترقی کا عملی فائدہ ملنا چاہیے۔
رپورٹ کے مطابق ذرائع کا کہنا ہے کہ محسن نقوی نے ٹیم مالکان کو مشورہ دیا کہ لیگ کو مزید مضبوط اور پرکشش بنانے کے لیے کھلاڑیوں کے معاوضوں پر نظرِ ثانی ناگزیر ہو چکی ہے۔
محسن نقوی نے کہا کہ جب فرنچائزز کی مالی حیثیت میں بہتری آ رہی ہے تو کھلاڑیوں کی محنت اور کارکردگی کا اعتراف مالی صورت میں بھی ہونا چاہیے، تاکہ پی ایس ایل عالمی سطح پر ایک مسابقتی لیگ کے طور پر مزید ابھر سکے۔
اجلاس کے دوران چیئرمین پی سی بی نے ایک اہم تجویز بھی پیش کی، جس کے تحت پی ایس ایل کے آئندہ سیزن، یعنی پی ایس ایل 11 کے ڈرافٹ میں کھلاڑیوں کی آکشن کے نظام پر غور کرنے کی بات کی گئی۔
اس حوالے سے محسن نقوی کا کہنا تھا کہ آکشن کے ذریعے ٹیمیں اپنی ضرورت اور حکمت عملی کے مطابق کھلاڑیوں کا انتخاب کر سکیں گی، جس سے نہ صرف شفافیت بڑھے گی بلکہ کھلاڑیوں کی مجموعی مالی ویلیو میں بھی اضافہ ممکن ہوگا۔
ذرائع نے یہ بھی بتایا کہ محسن نقوی نے لیگ میں شامل ہونے والی دو نئی ٹیموں کے لیے کھلاڑیوں کے انتخاب کے معاملے میں برابری کے مواقع فراہم کرنے پر زور دیتے ہوئے کہا کہ نئی فرنچائزز کو ایسا نظام دیا جانا چاہیے جس سے وہ بھی مضبوط اسکواڈ تشکیل دے سکیں۔
دوسری جانب ورکنگ کمیٹی کے آئندہ اجلاس میں پرانی ٹیموں کی جانب سے کھلاڑیوں کی ری ٹینشن سے متعلق معاملات پر تفصیلی بحث متوقع ہے۔
گزشتہ روز ہونے والے اس اجلاس کی صدارت خود محسن نقوی نے کی، جس میں پی ایس ایل کی تمام آٹھ فرنچائزز کے نمائندگان، پی سی بی اور پی ایس ایل کے اعلیٰ حکام شریک ہوئے۔ اجلاس کے دوران دو نئی ٹیموں کے مالکان کو باقاعدہ خوش آمدید کہا گیا، جبکہ نئی فرنچائزز کی کامیاب نیلامی پر چیئرمین پی سی بی اور پی ایس ایل انتظامیہ کو مبارکباد بھی دی گئی۔ اجلاس کو لیگ کے مستقبل کے حوالے سے ایک اہم پیش رفت قرار دیا جا رہا ہے۔
ذریعہ
ذریعہ: Jasarat News
کلیدی لفظ: کھلاڑیوں کے معاوضوں محسن نقوی نے کھلاڑیوں کی پی ایس ایل میں اضافے پی سی بی
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
وزارت آئی ٹی نے 1.67 ارب روپے سے زاید کے فنڈز طلب کرلیے