غزہ میں فلسطینیوں پر مظالم کے بعد اسرائیلی فوجیوں میں ذہنی امراض میں تشویشناک اضافہ
اشاعت کی تاریخ: 17th, January 2026 GMT
غزہ میں معصوم فلسطینی شہریوں کے خلاف کارروائیوں میں شریک اسرائیلی فوجیوں میں نفسیاتی مسائل تیزی سے بڑھنے لگے ہیں۔ مختلف سرکاری اور طبی رپورٹس کے مطابق جنگ کے آغاز کے بعد فوجیوں میں ذہنی دباؤ، پی ٹی ایس ڈی اور دیگر نفسیاتی امراض کی شرح میں نمایاں اضافہ ریکارڈ کیا گیا ہے۔
یہ بھی پڑھیں: غزہ جنگ: اسرائیلی فوجی بدترین نفسیاتی مسائل سے دوچار، 43 فوجیوں کی خودکشی
اعداد و شمار کے مطابق 60 فیصد سے زائد زخمی اسرائیلی فوجیوں میں شدید ذہنی صدمے کی علامات سامنے آئی ہیں، جو جنگی ماحول کے گہرے نفسیاتی اثرات کی عکاسی کرتی ہیں۔
ایک الگ تحقیق میں بتایا گیا ہے کہ 12 فیصد ریزرو فوجیوں نے پی ٹی ایس ڈی کی علامات ظاہر کیں، جو جنگ سے پہلے کی صورتحال کے مقابلے میں کہیں زیادہ ہیں۔
رپورٹس کے مطابق جنگ کے بعد 80 ہزار سے زائد فوجیوں کو ذہنی صحت کے مسائل کے باعث علاج یا مسلسل نگرانی کی ضرورت پیش آئی۔ اس کے ساتھ ساتھ خودکشی اور خود کو نقصان پہنچانے کے رجحانات میں بھی اضافہ دیکھا گیا ہے، جس نے اسرائیلی معاشرے میں سنجیدہ خدشات کو جنم دیا ہے۔
یہ بھی پڑھیں: 2 ہفتوں میں 10 اسرائیلی فوجیوں کی خودکشی، اسرائیل میں تشویش کی لہر دوڑ گئی
ماہرینِ نفسیات کا کہنا ہے کہ جنگی تشدد، مسلسل خوف، ساتھیوں کی ہلاکت اور کارروائیوں کے دوران انسانی جانوں کے ضیاع کا مشاہدہ فوجیوں پر گہرے نفسیاتی زخم چھوڑتا ہے۔
ان کے مطابق یہ عوامل عام تشدد یا مجرمانہ سرگرمیوں کے مقابلے میں کہیں زیادہ شدید ذہنی صدمہ پیدا کرتے ہیں، جس کے اثرات طویل عرصے تک برقرار رہ سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل خود کشی فلسطین فوجی مظالم نفسیات.
ذریعہ
ذریعہ: WE News
کلیدی لفظ: اسرائیل فلسطین فوجی مظالم نفسیات اسرائیلی فوجیوں فوجیوں میں کے مطابق
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی