امریکی جریدہ: بھارت کا پانی کو ہتھیار بنانا جنوبی ایشیا میں انسانی بحران کا سبب بن سکتا ہے
اشاعت کی تاریخ: 17th, January 2026 GMT
امریکی جریدے دی نیشنل انٹرسٹ نے بھارت کے سندھ طاس معاہدے کے خلاف اقدامات کو شدید تنقید کا نشانہ بناتے ہوئے کہا ہے کہ اس سے جنوبی ایشیا میں انسانی بحران پیدا ہونے کا خطرہ ہے۔
جریدے کے مطابق بھارت کی جانب سے سندھ طاس معاہدے کی معطلی کے بعد خطے میں پانی کی سیاست ایک نیا رخ اختیار کر چکی ہے اور یہ اقدام علاقائی کشیدگی بڑھا سکتا ہے۔ دی نیشنل انٹرسٹ نے بھارت کے دُلہستی اسٹیج II منصوبے کو سندھ طاس معاہدے کے خلاف قدم قرار دیتے ہوئے کہا کہ بھارت پانی کو اسٹریٹجک ہتھیار کے طور پر استعمال کر رہا ہے، جس سے جنوب ایشیا میں پانی کا بحران سنگین انسانی خطرہ بن سکتا ہے۔
امریکی جریدے نے مزید واضح کیا کہ بھارت کی طرف سے پاکستان کو آبی ڈیٹا کی فراہمی روکنا بین الاقوامی قوانین کی خلاف ورزی ہے، اور عالمی ثالثی عدالت پہلے ہی یہ واضح کر چکی ہے کہ بھارت سندھ طاس معاہدہ یکطرفہ طور پر معطل نہیں کر سکتا۔
رپورٹ میں زور دیا گیا کہ سندھ طاس معاہدہ نہ صرف خطے میں پانی کی تقسیم کا قانونی فریم ورک ہے بلکہ یہ جنوبی ایشیا میں فوڈ سکیورٹی کی بھی بنیادی ضمانت ہے۔ بھارت پر قانونی طور پر لازم ہے کہ وہ مغربی دریاؤں کا پانی پاکستان کے لیے مہیا کرے، اور پانی کو ہتھیار کے طور پر استعمال کرنے کی کوشش بین الاقوامی قانون اور عالمی عدالتوں کی نظر میں ناقابل قبول ہے۔
ذریعہ
ذریعہ: Daily Mumtaz
کلیدی لفظ: ایشیا میں
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے