جنید صفدر رشتہ ازدواج میں منسلک ہو گئے
اشاعت کی تاریخ: 17th, January 2026 GMT
لاہور(ڈیلی پاکستان آن لائن)نوازشریف کے نواسے اور وزیراعلیٰ پنجاب مریم نواز کے صاحبزادے جنید صفدررشتہ ازدواج میں منسلک ہو گئے، لاہورکی نجی سوسائٹی میں نکاح کی پروقار تقریب ہوئی ، حق مہر ایک لاکھ پچیس ہزار روپے طے پایا۔
مریم نواز بہو لے کر جاتی امرا پہنچ گئیں، دلہے کی گاڑی میں قائد مسلم لیگ ن نوازشریف آگے بیٹھے، شادی کی تقریب میں وزیراعظم شہباز شریف، حمزہ شہباز، سلمان شہباز، حسن نواز اور حسین نواز بھی شریک تھے۔نائب وزیراعظم اسحاق ڈار، رانا ثنااللہ، مریم اورنگزیب، عظمیٰ بخاری، خواجہ سلمان رفیق سمیت دیگرمہمانوں نے شرکت کی اور شادی کی مبارک باد دی۔ بارات کے شادی ہال پہنچنے پر شیخ روحیل اصغر نے مہمانوں کا پرتپاک استقبال کیا۔
ملک بھر میں رواں سال کے آغاز سے سولر پینلز کی قیمتوں میں یکدم بڑا اضافہ
ولیمے کی تقریب 18 جنوری کو جاتی امرا میں ہوگی ،جس میں آٹھ سو سے زائد مہمانوں کو مدعو کیا گیا ہے۔جنید صفدر کی شادی کیلیے سیکیورٹی کے بھی سخت انتظامات کیے گئے ہیں، جنید صفدر کی شادی روحیل اصغر کی پوتی سے ہوئی ہے، گزشتہ شب جاتی امرا میں مہندی کی تقریب ہوئی تھی۔
مزید :.
ذریعہ
ذریعہ: Daily Pakistan
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے