امریکا میں انسانی ہونٹوں کی نقل کرنے والا جدید روبوٹ تیار
اشاعت کی تاریخ: 17th, January 2026 GMT
امریکا میں سائنس دانوں نے ایک ایسا جدید روبوٹ تیار کر لیا ہے جو انسانوں کے ہونٹوں کی حرکات کو دیکھ کر نہ صرف سمجھ سکتا ہے بلکہ ان کی عین مطابق نقل بھی کر سکتا ہے۔
کولمبیا یونیورسٹی کے انجینئرز کے مطابق انہوں نے ایک ایسا روبوٹ ڈیزائن کیا ہے جو بولنے یا گانے کے دوران ہونٹوں کی حرکت کو پہلی ہی کوشش میں سیکھ لیتا ہے۔ یہ روبوٹ گھنٹوں تک یوٹیوب پر موجود ویڈیوز دیکھتا رہا اور اپنے چہرے میں نصب 26 فیشل موٹرز کی مدد سے حرکات کی مشق کرتا رہا۔ دلچسپ بات یہ ہے کہ اس نے آئینے میں اپنے عکس کو دیکھ کر خود کو بہتر بنانے کا عمل بھی جاری رکھا۔
یونیورسٹی کی کریئٹیو مشینز لیب سے وابستہ انجینئرز کا کہنا ہے کہ روبوٹ جتنا زیادہ انسانوں کے ساتھ تعامل کرے گا، اتنی ہی اس کی نقل کرنے کی صلاحیت نکھرتی جائے گی۔
ماہرین کے مطابق اس سے پہلے روبوٹس کے لیے انسانوں کی طرح ہونٹوں کی قدرتی حرکت کی نقل کرنا ایک بڑا چیلنج تھا، تاہم یہ پیش رفت روبوٹکس کی دنیا میں ایک اہم سنگِ میل ثابت ہو سکتی ہے اور مستقبل میں انسان اور روبوٹ کے درمیان رابطے کو کہیں زیادہ حقیقی بنا سکتی ہے۔
ذریعہ
ذریعہ: Daily Mumtaz
کلیدی لفظ: ہونٹوں کی
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ