مرکزی نائب صدر الخدمت احسان اللہ وقاص کا سندھ ریجن کا دورہ
اشاعت کی تاریخ: 18th, January 2026 GMT
data-id="863a0a8" data-element_type="widget" data-widget_type="theme-post-content.default">
260118-08-18
کراچی (اسٹاف رپورٹر) نائب صدرالخدمت فاؤنڈیشن پاکستان سید احسان اللہ وقاص نے الخدمت سندھ ریجنل آفس کا دورہ کیا، جہاں انہوں نے الخدمت کے ذمے داران سے ملاقات کی اور اجلاس کے دوران سندھ بھر میں جاری الخدمت کے فلاحی پروگراموں کی مجموعی صورتحال، کارکردگی اور مستقبل کے منصوبوں کا تفصیلی جائزہ لیا۔اس موقع پر صدر الخدمت فاؤنڈیشن سندھ ڈاکٹر سید تبسم جعفری، نائب صدر سید محمد یونس، انجینئر عمر فاروق اور دیگر ذمے داران بھی موجود تھے۔ اجلاس سے خطاب کرتے ہوئے سیداحسان اللہ وقاص نے کہا کہ الخدمت فاؤنڈیشن ملک بھر میں ایک منظم اور مؤثر فلاحی نیٹ ورک کے طور پر خدمات انجام دے رہی ہے۔ انہوں نے الخدمت سندھ کی کارکردگی کو سراہتے ہوئے کہا کہ مقامی سطح پر مضبوط منصوبہ بندی اور شفافیت ہی الخدمت کی پہچان ہے۔ انہوں نے اس عزم کا اظہار کیا کہ مستقبل میں فلاحی منصوبوں کے دائرہ کار کو مزید وسیع کیا جائے گا تاکہ زیادہ سے زیادہ مستحق افراد مستفید ہو سکیں۔ ڈاکٹر سید تبسم جعفری نے کہا کہ الخدمت فاؤنڈیشن سندھ تعلیم، صحت، کفالت یتامیٰ، صاف پانی اور سماجی خدمات کے شعبوں میں مسلسل عوامی خدمات انجام دے رہی ہے۔اس وقت موسم سرما کی مناسبت سے سندھ بھرمیں مستحقین کوونٹرپیکج فراہم کیے جارہے ہیں۔ان کا مزید کہناتھاکہ بلاتفریق رنگ ونسل ضرورت مندوں تک امداد پہنچانا الخدمت کی اولین ترجیح ہے اور اس سلسلے میں رضاکاروں اور ڈونرز کا کردار قابل تحسین ہے۔
کراچی: مرکزی نائب صدر الخدمت سید احسان اللہ وقاص، ڈاکٹرسیدتبسم جعفری،سیدمحمد یونس، انجینئر عمرفاروق ودیگر اجلاس میں شریک ہیں
ذریعہ
ذریعہ: Jasarat News
کلیدی لفظ: الخدمت فاو نڈیشن اللہ وقاص
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار