برطانوی وزیرِاعظم کا ٹرمپ کو سخت پیغام، نیٹو اتحادیوں پر ٹیرف کو ’غلط قدم‘ قرار دے دیا
اشاعت کی تاریخ: 18th, January 2026 GMT
برطانیہ کے وزیرِاعظم کیئر اسٹارمر نے گرین لینڈ کے معاملے پر امریکی صدر ڈونلڈ ٹرمپ کی جانب سے نیٹو کے یورپی اتحادیوں پر مجوزہ تجارتی پابندیوں کو کھلے الفاظ میں مسترد کرتے ہوئے اسے اتحادِ نیٹو کے اجتماعی تحفظ کے خلاف قرار دیا ہے۔ اسٹارمر کا کہنا ہے کہ اتحادی ممالک پر ٹیرف عائد کرنا نہ صرف غلط بلکہ ٹرانس اٹلانٹک تعلقات کے لیے نقصان دہ ثابت ہو سکتا ہے۔
برطانوی وزیرِاعظم نے سوشل میڈیا پلیٹ فارم ایکس پر جاری بیان میں کہا کہ نیٹو کے اتحادیوں کی اجتماعی سلامتی کے لیے کیے گئے اقدامات پر انہیں سزا دینا سراسر غلط ہے۔
انہوں نے واضح کیا کہ گرین لینڈ، ڈنمارک کی سلطنت کا حصہ ہے اور اس کے مستقبل کا فیصلہ صرف گرین لینڈ کے عوام اور ڈنمارک کو کرنا ہے۔ اسٹارمر نے یہ بھی کہا کہ آرکٹک خطے کی سلامتی پورے نیٹو کے لیے اہم ہے اور اتحادیوں کو باہمی تعاون سے خطرات کا مقابلہ کرنا چاہیے۔
یہ بیان ایسے وقت میں سامنے آیا ہے جب امریکی صدر ڈونلڈ ٹرمپ نے اعلان کیا تھا کہ ڈنمارک، برطانیہ، فرانس، جرمنی، نیدرلینڈز، ناروے، سویڈن اور فن لینڈ سمیت کئی یورپی ممالک پر 10 فیصد ٹیرف عائد کیا جائے گا۔
ٹرمپ کے مطابق اگر یکم جون تک امریکا اور گرین لینڈ کے حوالے سے کوئی معاہدہ نہ ہوا تو یہ ٹیرف بڑھا کر 25 فیصد کر دیا جائے گا۔ امریکی صدر گرین لینڈ کو قومی سلامتی کے لیے ناگزیر قرار دیتے ہوئے اس کی ’مکمل اور حتمی خریداری‘ پر زور دے رہے ہیں۔
یورپی ردعمل بھی خاصا سخت رہا ہے۔ فرانسیسی صدر ایمانویل میکرون نے امریکی اقدام کو ناقابلِ قبول اور دباؤ کی سیاست قرار دیا، جبکہ سویڈن کے وزیرِاعظم اولف کرسٹرسن نے کہا کہ ان کا ملک بلیک میلنگ قبول نہیں کرے گا۔ فن لینڈ کے صدر الیگزینڈر اسٹب نے خبردار کیا کہ تجارتی دباؤ خطرناک سلسلے کو جنم دے سکتا ہے۔
یورپی یونین کے اعلیٰ حکام نے بھی خبردار کیا ہے کہ ایسے اقدامات سے امریکا اور یورپ کے تعلقات کمزور ہوں گے، جس کے بعد یورپی سفیروں کا ہنگامی اجلاس بھی طلب کر لیا گیا ہے۔
یاد رہے کہ امریکی صدر ٹرمپ اس سے قبل بھی گرین لینڈ کو امریکا میں شامل کرنے کی خواہش کا اظہار کر چکے ہیں اور روس و چین کے اثرورسوخ کا حوالہ دیتے رہے ہیں۔ تاہم ڈنمارک اور گرین لینڈ کی قیادت مسلسل یہ واضح کرتی آئی ہے کہ یہ خطہ فروخت کے لیے نہیں اور اس کی خودمختاری پر کوئی سمجھوتہ نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: امریکی صدر گرین لینڈ لینڈ کے نیٹو کے کے لیے
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار