غزہ بورڈ آف پیس کا چارٹر منظرعام پر، رکنیت کے خواہاں ممالک کو کتنی رقم دینا ہوگی؟
اشاعت کی تاریخ: 18th, January 2026 GMT
امریکی صدر ڈونلڈ ٹرمپ کی انتظامیہ نے غزہ امن بورڈ کے قیام کے لیے تیار کیا گیا چارٹر 60 ممالک کو بھجوا دیا ہے، جس میں طویل مدت کی رکنیت کے خواہاں ممالک کے لیے ایک ارب ڈالر کی مالی شرط شامل کی گئی ہے۔
برطانوی خبر رساں ادارے کے مطابق چارٹر میں واضح کیا گیا ہے کہ ہر رکن ملک چارٹر کے نفاذ کی تاریخ سے 3 سال تک اپنی خدمات انجام دے گا۔ تاہم غزہ امن بورڈ کے چیئرمین کی منظوری سے کسی بھی رکن کی مدت میں توسیع کی جاسکتی ہے۔
یہ بھی پڑھیں: ڈونلڈ ٹرمپ کا ترک صدر کو خط، غزہ امن منصوبے کے لیے تعاون کی درخواست
چارٹر میں یہ بھی درج ہے کہ وہ ممالک جو پہلے سال کے دوران بورڈ کے لیے ایک ارب ڈالر سے زائد نقد رقم فراہم کریں گے، ان پر 3 سالہ رکنیت کی پابندی لاگو نہیں ہوگی۔
یاد رہے کہ امریکی صدر ٹرمپ نے غزہ کے انتظامی امور اور تعمیر نو کے لیے قائم کیے جانے والے بورڈ آف پیس میں وزیراعظم پاکستان شہباز شریف کو بھی شمولیت کی دعوت دی ہے۔
دفتر خارجہ نے اس بات کی تصدیق کی ہے کہ پاکستان کو غزہ سے متعلق بورڈ آف پیس میں شامل ہونے کی باضابطہ دعوت موصول ہوئی ہے۔ ترجمان دفتر خارجہ کے مطابق پاکستان غزہ میں امن و سلامتی کے قیام کے لیے عالمی کوششوں میں اپنا مؤثر کردار ادا کرتا رہے گا اور پائیدار امن کے لیے بین الاقوامی برادری کے ساتھ قریبی رابطے میں رہے گا۔
یہ بھی پڑھیں: ڈونلڈ ٹرمپ نے غزہ کے لیے بورڈ آف پیس میں وزیراعظم پاکستان کو شمولیت کی دعوت دے دی
واضح رہے کہ صدر ٹرمپ نے گزشتہ روز اپنی سربراہی میں غزہ بورڈ آف پیس کے قیام کا اعلان کیا تھا، جس میں امریکی وزیر خارجہ مارکو روبیو، مشرق وسطیٰ کے لیے ٹرمپ کے نمائندے اسٹیو وٹکوف، ورلڈ بینک کے صدر اجے بنگا، ٹرمپ کے داماد جیراڈ کوشنر، سابق برطانوی وزیراعظم ٹونی بلیئر سمیت دیگر اہم شخصیات کو شامل کیا گیا ہے۔
دوسری جانب اسرائیل نے غزہ بورڈ آف پیس کی تشکیل کو مسترد کرتے ہوئے کہا ہے کہ یہ اقدام اسرائیلی حکومت کی پالیسی کے منافی ہے۔ غیر ملکی میڈیا کے مطابق اسرائیلی وزیراعظم نیتن یاہو کے دفتر سے جاری بیان میں کہا گیا ہے کہ اس بورڈ کے قیام سے قبل اسرائیل سے کوئی مشاورت نہیں کی گئی۔
یہ بھی پڑھیں: ٹرمپ نے غزہ کے مستقبل کے لیے ٹونی بلیئر اور امریکی جنرل کو اہم ذمہ داریاں سونپ دیں
بیان میں مزید کہا گیا ہے کہ اسرائیلی وزیر خارجہ گڈیون سار اس معاملے کو امریکی وزیر خارجہ مارکو روبیو کے سامنے اٹھائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امن بورڈ پاکستان ترکی ڈونلڈ ٹرمپ رکنیت غزہ.
ذریعہ
ذریعہ: WE News
کلیدی لفظ: پاکستان ترکی ڈونلڈ ٹرمپ رکنیت بورڈ آف پیس ڈونلڈ ٹرمپ بورڈ کے کے قیام کے لیے گیا ہے یہ بھی
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار