گل پلازہ آتشزدگی: درجنوں افراد تاحال لاپتا، اہلِخانہ تلاش میں سرگرداں
اشاعت کی تاریخ: 18th, January 2026 GMT
کراچی کے ایم اے جناح روڈ پر واقع گل پلازہ میں ہفتہ اور اتوار کی درمیانی شب لگنے والی آگ کے بعد درجنوں افراد تاحال لاپتا ہیں، جس کے باعث متاثرہ خاندانوں میں شدید بے چینی پائی جا رہی ہے، گل پلازہ کے باہر لاپتا افراد کے اہلخانہ کی بڑی تعداد موجود ہے۔
لاپتا افراد کے اہلِ خانہ مختلف اسپتالوں کا رخ کیے بھی ہوئے ہیں اور اپنے پیاروں کی تلاش میں مصروف ہیں۔ اہلِ خانہ کے مطابق رات کے وقت لاپتا افراد سے رابطہ موجود تھا، تاہم بعد ازاں ان کے موبائل فون بند ہو گئے۔
سول اسپتال کے برنس سینٹر کے باہر بھی متاثرہ افراد کے اہلِ خانہ کی بڑی تعداد جمع ہے۔ اہلِ خانہ کا کہنا ہے کہ خدشہ ہے کئی افراد اب بھی آگ سے متاثرہ عمارت کے اندر موجود ہوں، جس کے باعث ریسکیو کارروائیوں پر گہری نظر رکھی جا رہی ہے۔
.
ذریعہ
ذریعہ: Al Qamar Online
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ