سکھر،تجاوزات کیخلاف مزاحمت پر مقدمے کے اندراج کا فیصلہ
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) تجاوزات کے خاتمے کیخلاف مزاحمت پر ایف آئی آر کے اندراج کا فیصلہ، سکھر میں تجاوزات کے خلاف ضلعی انتظامیہ کا بھرپور آپریشن، ہیوی مشینری کے ذریعے غیر قانونی تھڑے اور لینٹرز مسمار، سکھر میں تجاوزات کے خاتمے کے لیے ضلعی انتظامیہ کا آپریشن مسلسل جاری ہے۔ دن کے اوقات کے ساتھ ساتھ اب رات گئے بھی کارروائیاں کی جا رہی ہیں، ضلعی انتظامیہ نے معروف شاہی بازار سمیت مختلف تجارتی علاقوں میں ہیوی مشینری کے ذریعے غیر قانونی تجاوزات کے خلاف بھرپور آپریشن کیا۔آپریشن کے دوران دکانوں کے آگے قائم غیر قانونی تھڑے، لینٹرز اور دیگر رکاوٹیں مسمار کی گئیں۔ اس موقع پر اسسٹنٹ کمشنر سکھر سارہ فراز، ڈائریکٹر اینٹی انکروچمنٹ میونسپل کارپوریشن بلاول کورائی، مختیارکار سکھر بابر بلو، میونسپل کارپوریشن کا عملہ اور پولیس کی بھاری نفری موجود تھی۔ ضلعی انتظامیہ کے افسران نے موقع پر موجود رہ کر کارروائی کی نگرانی کی تاکہ آپریشن بغیر کسی رکاوٹ کے مکمل کیا جا سکے۔اسسٹنٹ کمشنر سارہ فراز نے میڈیا سے گفتگو کرتے ہوئے کہا کہ آئین اور قانون کے مطابق انتظامیہ کے پاس جرمانے، دکانیں سیل کرنے اور تجاوزات کا سامان ضبط کرنے جیسے متعدد اختیارات موجود ہیں، تاہم یہ تمام آپشنز آزمانے کے باوجود تاجر تجاوزات ختم کرنے پر آمادہ نہیں ہوئے۔ ان کا کہنا تھا کہ ڈپٹی کمشنر سکھر کی ہدایات کے مطابق اب مزاحمت کرنے والوں کے خلاف ایف آئی آر درج کی جائے گی اور قانونی کارروائی عمل میں لائی جائے گی۔انہوں نے واضح کیا کہ تاجر تنظیموں سے پہلے ہی رابطہ کیا گیا تھا۔ دو روز قبل ایس ایم سی فورس نے تاجروں کو آپریشن کی بابت پیشگی آگاہ کیا تھا، بازار کے صدور کو فون کالز کے ذریعے بھی اطلاع دی گئی تھی، اس کے باوجود موقع پر مزاحمت کا سامنا کرنا پڑا۔
ذریعہ
ذریعہ: Jasarat News
کلیدی لفظ: ضلعی انتظامیہ تجاوزات کے
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار