سانحہ گل پلازاحکومتی نااہلی کی بدترین مثال ہے‘پی آئی بی ایف
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( پ ر) کراچی کے علاقے گل پلازا کی مارکیٹ میں آتشزدگی کے نتیجے میں قیمتی انسانی جانوں کا ضیاع، افراد کا لاپتہ ہونا اور اربوں روپے کے تجارتی نقصان پر پاکستان انٹر نیشنل بزنس فورم کراچی کے صدر سہیل عزیز نے شدید رد عمل کا اظہار کیا ہے۔ انہوں نے کہا کہ سانحہ کسی قدرتی آفت کا نتیجہ نہیں بلکہ نااہل حکومت ناکارہ بلدیاتی نظام اور مفلوج ایمرجنسی سروسز کا برا ہ راست نتیجہ ہے۔ فائر بریگیڈ کا تاخیر سے پہنچنا اس بات کا ثبوت ہے کہ کراچی میں انسانی جان کی کوئی قیمت نہیں رہی۔صدر PIBF نے واضح الفاظ میں کہا کہ حکومت سندھ کاروباری طبقے کو تحفظ دینے میں مکمل طور پر ناکام ہو چکی ہے وفاقی حکومت محض بیانات تک محدود ہے قانون نافذ کرنے والے ادارے صرف تماشائی بنے ہوئے ہیں۔انہوں نے مطالبہ کیا کہ واقعے کی عدالتی تحقیقات کرائی جائیں۔ ذمہ دار افسران کو فوری معطل اور گرفتار کیا جائے۔ جاں بحق افراد کے لواحقین اور متاثرہ تاجروں کو فوری اور مکمل معاوضہ دیا جائے۔ کراچی کی تمام مارکیٹس میں ہنگامی بنیادوں پر فائر سیفٹی نظام نافذ کیا جائے۔ سہیل عزیز نے خبردار کیا کہ اگر حکومت نے ہوش کے ناخن نہ لیے تو پاکستان انتر نیشنل بزنس فورم کراچی خاموش نہیں بیٹھے گا اور تاجر برادری کے حقوق کیلیے سڑکوں پر آنے سے گریز نہیں کرے گا۔
ذریعہ
ذریعہ: Jasarat News
پڑھیں:
نیشنل اسپیشل گیمز: کراچی میں فٹبال ٹورنامنٹ کے بعد اختتامی تقریب کا انعقاد
اسپیشل اولمپکس پاکستان کے تحت نیشنل اسپیشل گیمز 2026کے دوسرے اور آخری مرحلہ میں کراچی میں فٹبال ٹورنامنٹ کے بعد میڈلز تقسیم اور اختتامی تقریب کاانعقاد ہوا۔
اسپیشل اولمپکس پاکستان کی روح رواں رونق لاکھانی نے استقبالی کلمات ادا کیے، ان کا کہنا تھاکہ گیمز میں ملک بھر سے ایک پلیٹ فارم پر جمع ہونے والے خصوصی کھلاڑیوں نے شاندار کارکردگی کا مظاہرہ کر کے ثابت کیا کہ وہ کسی سے کم نہیں۔
رونق لاکھانی نے گیمز کو کامیاب بنانے میں اسپانسرز اور ڈونرز بشمول میکڈونلڈ، پاکستان او ایم آئی اور فیصل بینک کا خصوصی شکریہ ادا کیا،انہوں نے کہا کہ خصوصی افراد کی سرپرستی کرتے ہوئے ان کو بھرپور اعتماد دینا چاہیے تاکہ وہ معاشرے کا مضبوط انگ بن سکیں۔
مہمان خصوصی راحل اعجاز کا کہنا تھا کہ سماجی ذمہ داری کے تحت ہم مثبت سرگرمیوں کو فروغ دے رہے ہیں، اسپیشل اولمپکس پاکستان کی خصوصی کھلاڑیوں کے لیے کاوشیں قابل قدر ہیں۔
فٹبال ٹورنامنٹ کے لیے خصوصی طور پر کینیڈا سے آنے والی فیفا فٹبال کوچ کرن غوری نے کہا کہ ایونٹ میں شریک بوائز اور گرلز کھلاڑیوں نے شاندار کارکردگی کا مظاہرہ کرتے ہوئے دل جیت لیے اور ثابت کیا کہ ان کی صلاحیتیں کسی سے ہرگز کم نہیں، جیسمین نے خصوصی کھلاڑیوں کی نمائندگی کرتے ہوئے بہترین سہولیات کی فراہمی پر اسپیشل اولمپکس پاکستان کا شکریہ ادا کیا۔
فٹبال چیمپئن شپ کے بوائز ایونٹ کی ایک کیٹگری میں فیڈرل ایریاز نے پہلی خیبر پختونخواہ نے دوسری اور سندھ نے تیسری پوزیشن حاصل کی،بی کیٹگری میں گلگت بلتستان فاتح رہا اور گولڈ میڈل اپنے نام کیا جبکہ بلوچستان نے دوسری پوزیشن کے ساتھ سلور اور سندھ نے سوئم رہ کر برانز میڈل حاصل کیا۔
قبل ازیں گیمز میں شریک ٹیموں نے مارچ پاسٹ کیا اور سلامی دی،آخر میں کامیاب ٹیموں اور ان کے کھلاڑیوں میں میڈلز تقسیم کیے گئے،اگلے گیمز پنجاب میں ہوں گے، گیمز کا مقصد ذہنی معذوری والے کھلاڑیوں کو صلاحیتوں اور کھیل میں مہارت کا مظاہرہ کرنے کے لیے ایک بہترین پلیٹ فارم فراہم کرنا تھا، گیمز کے ذریعہ چلی کے شہر چسینٹیاگو میں ہونے والے ورلڈ سمر اسپیشل گیمز تیاریوں کا اہم حصہ ہے۔
نیشنل گیمز کے بعد کھلاڑی سلیکشن کیمپوں میں شرکت کریں گے، جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔، خیبر پختونخوا اور گلگت بلتستان سے تعلق رکھنے ذہنی معذوری کا شکار 82 کھلاڑیوں نے شرکت کی۔
نیشنل گیمز کے بعد کھلاڑی سلیکشن کیمپوں میں شرکت کریں گے جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی