پاسلو یونین رہنمائوں کی پاکستان اسٹیل انتظامیہ کے اقدام کی مذمت
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان اسٹیل ملز انتظامیہ نے ایک بار پھر غیر قانونی، غیر اخلاقی اور سفاکانہ اقدام کرتے ہوئے 100 سے زائد حاضر سروس ملازمین کی تنخواہیں روک دی ہیں۔ اس سے قبل بھی 80 سے زائد ملازمین کی تنخواہیں بند کی جا چکی ہیں، جو انتظامیہ کی مسلسل مزدور دشمن پالیسیوں کا واضح ثبوت ہے۔ انتظامیہ نے اسٹیل ٹاؤن شپ میں رہائش پذیر مکینوں کو جانب سے دی گئی الاٹمنٹ شیورٹی کو جواز بنا کر حاضر سروس ملازمین کو سزا دینا شروع کر دی ہے، حالانکہ تمام متاثرہ ملازمین باقاعدگی سے اپنی ڈیوٹیاں انجام دے رہے ہیں۔ حاضر سروس ملازمین کی تنخواہیں روکنا صریحاً غیر قانونی، غیر اخلاقی اور انسانی حقوق کی سنگین خلاف ورزی ہے، جس کی پاسلو یونین بھرپور مذمت کرتی ہے۔ صدر پاسلو یونین عاصم بھٹی نے اپنے بیان میں کہا کہ پاکستان اسٹیل ملز انتظامیہ اپنی نااہلی کا بوجھ ملازمین پر ڈال رہی ہے، جو کسی صورت قابل قبول نہیں۔ جنرل سیکرٹری پاسلو یونین علی حیدر گبول نے مطالبہ کیا کہ تمام متاثرہ ملازمین کی تنخواہیں فوری طور پر بحال کی جائیں اور اس ظالمانہ اقدام کو فی الفور واپس لیا جائے۔ انہوں نے کہا کہ پاکستان اسٹیل ملز کے ملازمین پہلے ہی 2011 کی تنخواہ پر زندگی گزارنے پر مجبور ہیں، تمام سہولیات سے محروم ملازمین کی تنخواہیں روکنا انتہائی سفاکانہ عمل ہے۔ اسٹیل ٹاؤن شپ آفس گزشتہ کئی ماہ سے بند ہے، جبکہ جن مکینوں کو شیورٹی دی گئی وہ زیادہ تر سابقہ ریٹائرڈ ملازمین ہیں۔ قانون کے مطابق شیورٹی کے طور پر جمع کروایا جانے والا اسٹامپ پیپر چھ ماہ بعد خود بخود منسوخ تصور کیا جاتا ہے، لیکن ٹاؤن شپ ڈپارٹمنٹ کی نااہلی اور مبینہ ملی بھگت کے باعث شیورٹی کی توسیع کے بغیر رہائش برقرار رکھی گئی۔ ریٹائرڈ ملازمین اپنے واجبات کی ادائیگی کا مطالبہ کر رہے ہیں، جو پاکستان اسٹیل ملز انتظامیہ کی قانونی ذمہ داری ہے۔ واضح رہے کہ مکان الاٹ کرنے یا منسوخ کرنے کا مکمل اختیار پاکستان اسٹیل ملز انتظامیہ کے پاس ہے۔ اگر کوئی مکین کرایہ یا یوٹیلیٹی بلز ادا نہیں کر رہا تو یہ انتظامیہ کی ناکامی ہے، جس کی سزا حاضر سروس ملازمین کو دینا صریح ظلم ہے۔ اس اقدام سے اسٹیل ٹاؤن شپ اور ملازمین میں شدید اضطراب اور بے چینی پائی جا رہی ہے۔ پاسلو یونین کے صدر اور جنرل سیکرٹری نے وفاقی وزیر صنعت و پیداوار، وزیر اعلیٰ سندھ اور چیئرمین بورڈ آف ڈائریکٹرز پاکستان اسٹیل ملز سے مطالبہ کیا ہے کہ وہ فوری طور پر اس سنگین صورتحال کا نوٹس لیں، ذمہ دار افسران کے خلاف کارروائی کریں اور متاثرہ ملازمین کی تنخواہیں بلا تاخیر جاری کروائیں۔
ذریعہ
ذریعہ: Jasarat News
کلیدی لفظ: ملازمین کی تنخواہیں حاضر سروس ملازمین پاسلو یونین ٹاو ن شپ
پڑھیں:
آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع
ویب ڈیسک : آزاد کشمیر کے شہر میرپور میں موبائل فون اور انٹرنیٹ سروس بحال ہونا شروع ہوگئی ہے۔
تفصیلات کے مطابق آزاد کشمیر کے شہر میرپور اور اس کےگردونواح میں میں موبائل فون اور انٹرنیٹ سروسزبحال ہونا شروع ہوگئی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس حوالے کچھ دیر قبل چیئرمین پیپلزپارٹی بلاول بھٹو نے اپنے ایک بیان میں کہاکہ اطلاعات ہیں کہ میرپور آزاد کشمیرمیں انٹرنیٹ اور ڈیجیٹل رابطہ جلد بحال کردیا جائےگا۔
I’m grateful to the AJK PPP for their efforts & the election commission of AJK for their intervention. I’m hearing internet and digital connectivity will be restored in Mirpur AJK soon. I’m hopeful our requests for Muzaffrabad and other areas are also accepted as soon as…
— Bilawal Bhutto Zardari (@BBhuttoZardari) July 23, 2026
ان کا کہنا تھا کہ امید ہے مظفرآباد اور دیگرعلاقوں کے حوالے سے ہماری درخواستیں بھی جلد منظور کرلی جائیں گی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
واضح رہے میرپور آزادکشمیر میں گزشتہ 45 دن سے انٹرنیٹ سروس معطل تھی۔
Ansa Awais Content Writer
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار